વડોદરાની મહારાજા સયાજીરાવ યુનીવર્સીટીને શર્મસાર કરતો કીસ્સો સામે આવ્યો છે સંસ્કૃત ફેકલ્ટીના બે લેક્ચરર પર ફેકલ્ટીનીજ વિધાર્થીની દ્રારા છેડતી કરી હોવાના આરોપ લગાવવામાં આવ્યા છે.
વિશ્વવિખ્યાત મહારાજા સયાજીરાવ યુનિવર્સિટીની છબી પર વધુ એક વખત દાગ લાગ્યા છે મહારાજા સયાજીરાવ યુનિવર્સિટીની સંસ્કૃત ફેકલ્ટીની વિદ્યાર્થીની દ્વારા પોતાના જ ફેકલ્ટીના નોન ટિચીંગ સ્ટાફ પર છેડતીનો આરોપ લગાવવામાં આવ્યા છે. આ છેડતીની બાબતને લઈને યુનિવર્સિટીના સત્તાધીશોને વિધાર્થીની દ્રારા અરજી પણ કરવામાં આવી છે પણ હજી સુધી લેકચરર પર કોઇ પગલિ લેવામાં નથી આવ્યા
ત્યારે આ આ છેડતીના આરોપને લઈને વડોદરા એમ.એસ.યુનિવર્સિટીની વાઇસ પ્રેસિડન્ટ સલોની મિશ્રા દ્વારા યુનિવર્સિટી રજિસ્ટ્રારને આવેદનપત્ર આપવામાં આવ્યું હતું અને આ છેડતીના વિષયને લઈને લેક્ચરર પર જલ્દીમાં જલ્દી કાર્યવાહી કરવાની માંગણી કરવામાં આવી હતી
એક તરફ યુનિવર્સિટીની વાઇસ પ્રેસિડન્ટ દ્વારા સંસ્કૃત ફેકલ્ટીના આ નોન ટિચીંગ સ્ટાફ પર જરૂરી અને જલ્દીમાં જલ્દી કાર્યવાહી કરવાની માંગણી કરવામાં આવી રહી છે ત્યારે બીજી તરફ સંસ્કૃત ફેકલ્ટીના જ કેટલાક વિદ્યાર્થીઓ દ્વારા પોતાના લેક્ચરર પર લાગેલા આરોપ ખોટા છે તેથી તટસ્થ તપાસની માંગણી કરવાનું આવેદનપત્ર આપવામાં આવ્યું છે.
મહારાજા સયાજીરાવ યુનિવર્સિટીની સંસ્કૃતિમાં જ લેક્ચરર પર થયેલા આરોપો બાબતની આવી બિનસંસ્કારીસંસ્કારી ઘટનાને લઈને વધુ એક વખત યુનિવર્સિટીની છબી ખરડાઈ છે.
અગાઉ પણ યુનિવર્સિટીની આર્ટસ ફેકલ્ટી અંતર્ગત ચાલતા ઉર્દુ ડિપાર્ટમેન્ટમાં આવો બનાવ બન્યો હતો. જોકે સંસ્કૃત ફેકલ્ટીના નોન ટીચીંગ સ્ટાફ પર લાગેલા આરોપો બાદ તેમણે પોતે પણ તેમની પર લાગેલા આરોપો ખોટા છે તેવી પ્રતિક્રિયા આપી હતી.
સંસ્કૃત ફેકલ્ટીની વિદ્યાર્થીની નોન ટીચીંગ સ્ટાફ પર આરોપ લગાવી રહી છે અને યુનિવર્સિટીની વાઇસ પ્રેસિડન્ટ આ બાબતે જલદીમાં જલદી પગલા લેવાય તેવી માંગણી પણ કરી રહી છે.
તો બીજી તરફ જે સ્ટાફ પર આરોપ લાગ્યા છે તે બંને જણા અને તેમના બીજા કેટલાક વિદ્યાર્થીઓ આ આરોપ ખોટા છે તેથી તેમને ન્યાય મળે તેવી માંગણી કરી રહ્યા છે ત્યારે આ દરેક આરોપ અને માંગણીઓ સાથે યુનિવર્સિટી રજીસ્ટ્રાર દ્વારા કમિટી બનાવી સમગ્ર મામલે તપાસના આદેશ આપવામાં આવ્યા છે.
વડોદરાની એમ એસ યુનીમાં અગાઉ પણ આ પ્રકારના આરોપો પ્રાધ્યાપકો પર લાગેલા છે. ત્યારે હવે આ સમગ્ર મામલે કમિટીના રિપોર્ટ બહાર આવ્યા બાદ જ દૂધનું દૂધ અને પાણીનું પાણી થશે