મહેન્દ્ર સિંહ ધોની છેલ્લાં ઘણા સમયથી પોતાના કરિયરને લઈને ચર્ચામાં બનેલા છે. તેમના ચાહકોનું માનીએ તો હજુ પણ ધોની મેદાન પર પરત ફરશે તેવી આશાઓ સેવાઈ રહી છે ત્યારે સોશિયલ મીડિયામાં ધોની અને તેમની પત્નીનો એક વીડિયો સોશિયલ મીડિયામાં વાયરલ થઇ રહ્યો છે. આ વીડિયોમાં સિંગર અરમાન મલિક ધોની અને સાક્ષીને સ્ટેજ ઉપર બોલાવી 'કૌન તુજે યું પ્યાર કરેગા...' સોંગ ડેડીકેટ કર્યું.
ધોની અને સાક્ષીનો વીડિયો સોશિયલ મીડિયામાં વાયરલ
ધોની અને સાક્ષી માટે અરમાને ડેડીકેટ કર્યું રોમેન્ટિક સોંગ
ધોની અને સાક્ષી રોમેન્ટિક અંદાજમાં દેખાયા
ક્રિકેટથી દૂર એમ.એસ.ધોની પોતાના પરિવાર સાથે સમય વિતાવી રહ્યા છે. આ વખતે તેઓ પત્ની સાક્ષી સાથે રોમેન્ટિક અંદાજમાં દેખાયા છે. સોશિયલ મીડિયામાં આ વીડિયો વાયરલ થઈ રહ્યો છે. ગાયક અરમાન મલિકે ધોની અને સાક્ષી માટે ખુબ જ રોમેન્ટિક સોંગ ગાયું હતું. 'કૌન તુજે યું પ્યાર કરેગા...' ગીત ધોની અને સાક્ષીને ડેડીકેટ લાર્યું હતું.
A post shared by mahiiiii (@the_hero_of_helicopter_shott) on
સ્ટેજ પર આવવા માટે ધોનીએ કરી આનાકાની
અરમાન મલિક ધોનીને સ્ટેજ પર બોલાવે છે. ધોની આ વાક્ય સંભાળીને જ દૂર ભાગવા લાગે છે. જે બાદ અરમાન તેમને વાયદો કરે છે કે તેમને ડાન્સ કરવા માટે નહીં કહેવામાં આવે. ધોની અને સાક્ષીને સ્ટેજ પર બોલાવવામાં આવે છે અને અરમાન આ કપલને ગીત ડેડીકેટ કરે છે. વીડિયોમાં જોઈ શકાય છે કે ધોની-સાક્ષી સ્ટેજ પર ઉભા છે અને સોંગ એન્જોય કરી રહ્યા છે. ખબરો અનુસાર આ વીડિયો દિલ્હીનો છે. આ વીડિયો ધોનીના એક ફેન પેજના એકાઉન્ટમાંથી પોસ્ટ કરવામાં આવ્યો છે.
આ સિવાય સાક્ષીએ ધોની સાથે એક ફોટો પણ શેર કરી છે જેમાં ધોની પાઉટ કરતા નજરે પડી રહ્યા છે. લોકોને તેમનો આ વીડિયો ખુબ પસંદ આવી રહ્યો છે. આ કાર્યક્રમમાં કપિલદેવ પણ તેમના પરિવાર સાથે પહોંચ્યા હતા.
સાક્ષીએ એક વીડિયો શેર કર્યો છે જેમાં ધોની હોટલમાં એન્ટ્રી કરી રહ્યા છે તિ સાક્ષી તેમને Hey, sweetu look at me… કહેતા વીડિયો ઉતારે છે. આ વીડિયોમાં સાક્ષી અને ધોની વચ્ચેની કેમેસ્ટ્રી દેખાઈ રહી છે. ધોની આ વીડિયોમાં કંઈ બોલતા નથી પણ તેઓ સાક્ષીનાં આ શબ્દોથી ખુબ બ્લશ કરતા દેખાઈ રહ્યા છે.
ધોની પરત ફરશે કે નહીં તે મુદ્દે અટકળો તેજ
નોંધનીય છે કે જુલાઈમાં વર્લ્ડકપ સેમીફાઈનલમાં ન્યુઝીલેન્ડ સામેની મેચ બાદ કોઈ મેચ રમી નથી. આ મેચ બાદથી જ ક્રિકેટથી દૂર છે અને પરિવાર સાથે સમય વિતાવી રહ્યા છે. BCCIએ પણ એમ એસ ધોનીને કોન્ટ્રેક્ટ લીસ્ટમાંથી બહાર કાઢી દીધો છે. ધોનીના કરિયરને લઈને અવારનવાર અનેક લોકો નિવેદન કરતા હોય છે ત્યારે આજ સુધી ધોનીએ પોતે સંન્યાસના મુદ્દે કોઈ જ સ્પષ્ટતા કરી નથી. ધોનીના ચાહકો આજે પણ ધોનીની આતુરતાથી રાહ જોઈ રહ્યા છે.