રાજનીતિ / એમ.કે.સ્ટાલિને CM પદ સંભાળતાની સાથે જ વચનો પૂરા કરવાનું શરૂ કર્યુ, એવી જાહેરાતો કરી કે વિપક્ષ ટેન્શનમાં

• તમિલાડુના નવા સીએમ એમ.કે.સ્ટાલિને વચનો પૂરા કર્યાં
• 2.07 કરોડ પરિવારોને રુ.4,000 કરોડની સહાય જારી કરી 
• આવિન દૂધમાં લિટરે રુ.3 નો ઘટાડો કર્યો 
• મહિલાઓ આખા રાજ્યમાં મફતમાં બસની મુસાફરી કરી શકશે 

સ્ટાલિને ચૂંટણી ઢંઢેરામાં આ ત્રણ વચનો આપ્યાં હતા

ડીએમકે પ્રમુખ એમ.કે.સ્ટાલિને ચૂંટણી ઢંઢેરામાં આ ત્રણ વચનો આપ્યાં હતા. મુખ્યમંત્રી બનતાની સાથે જ સ્ટાલિને આ ત્રણ વચનો પૂરો કરવાનો ઓર્ડર આપી દીધો છે. 2.07 કરોડ પરિવારો માટે જાહેર થયેલી રુ.4,000 કરોડની રકમ બે હપ્તામં ચુકવાશે. મે મહિનામાં પીડીએસ કાર્ડ ધારકોને રુ.2,000 ની સહાય ચુકવાશે. 

કોરોનાની સારવારનો ખર્ચ રાજ્ય સરકાર ઉઠાવશે 

સીએમ દ્વારા જારી થયેલા ઓર્ડર અનુસાર ખાનગી હોસ્પિટલોમાં કોરોનાની સારવારનો તમામ ખર્ચ રાજ્ય સરકાર ઉઠાવશે જે ચીફ મિનિસ્ટર હેલ્થ ઈન્સોરન્સ સ્કીમ હેઠળ આવરી લેવાશે. કોવિડ-19 સહિતની તમામ સારવાર પણ રાજ્યની ફ્રી હેલ્થ ઈન્સોરન્સ સ્કીમ હેઠળ આવરી લેવામાં આવી છે. 

મહિલાઓ આખા રાજ્યમાં બસોમાં મફત મુસાફરી કરી શકશે 

આખા રાજ્યમાં મહિલાઓ બસોમાં મફત મુસાફરી કરી શકશે જેને માટે રાજ્ય પરિવહન ટ્રાન્સપોર્ટ કોર્પોરેશનને વર્ષે રુ.1200 કરોડની ખોટ થશે, રાજ્ય સરકારે 
સ્ટેટ ટ્રા્ન્સપોર્ટ ડિપાર્ટમેન્ટ વર્ષે રુ.1200 કરોડની સબસિડી આપશે. સ્ટેટ ટ્રાન્સપોર્ટ ડિપાર્ટમેન્ટ દર વર્ષે 3,000 કરોડ જેટલી માતબર કમાણી કરે છે. 2011 ની વસતી ગણતરી અનુસાર, રાજ્યમાં કાર્ય યોગદાનમાં પુરુષોની 59.3 ટકાની તુલનાએ મહિલાનો ફાળો 31.8 ટકા છે. આર્થિક વિકાસમાં મહિલાઓ વધારે યોગદાન આપે તે માટે કાર્યમાં તેમની ભાગીદારી વધારવાની જરુર છે તેવું ઓર્ડરમાં કહેવાયું છે.