વિશ્વવિખ્યાત શિપયાર્ડ અલંગ ખાતે 10 માળનું અલ્ટ્રોસ' ક્રૂઝ પેસેન્જર જહાજ તેના અંતિમ પડાવ ખાતે આવી પહોંચ્યું
અલંગ શિપયાર્ડ ખાતે આવ્યું લક્ઝુરિયસ ક્રુઝ
10 માળનું લક્ઝુરિયસ ક્રુઝ ભંગાણ માટે આવ્યું
સ્વિમિંગ પૂલ, જિમ, બાર સહિતની સુવિધાઓ
વિશ્વવિખ્યાત શિપયાર્ડ અલંગ ખાતે 10 માળનું અલ્ટ્રોસ' ક્રૂઝ પેસેન્જર જહાજ તેના અંતિમ પડાવ ખાતે આવી પહોંચ્યું છે. આ લકઝુરિયસ ક્રૂઝ દરિયામાં અનેક સફરો ખેડ્યા બાદ હવે અંગલ શિપયાર્ડમાં આવી પહોંચ્યું છે જ્યાં તેની અંતિમ સફર પુરી થઈ રહી છે.
અલ્ટ્રોસ ક્રૂઝ' લોકાર્ષણનું કેન્દ્ર બન્યું
આ અલ્ટ્રોસ' ક્રૂઝ અવધિ પૂર્ણ થતા તેના માલિકે અલંગ ભાંગવા માટે વેચ્યું છે, લાંબા સમય બાદ અલંગમાં પેસેન્જર શિપ બ્રેકિંગ માટે આવતાં આ ક્રૂઝ લોકાર્ષણનું કેન્દ્ર બન્યું છે. અલંગમાં શિપબ્રેકિંગ સાથે જોડાયેલા વ્યવસાયકારોમાં પણ આ ક્રૂઝે ખાસ્સી ઉત્સુકતા જગાવી છે.
કેવું છે અલ્ટ્રોસ ક્રૂઝ જહાજ
આ ક્રૂઝનું નિર્માણ 1973માં ફિનલેન્ડમાં થયું હતું. ક્રૂઝ 177 મીટર લાંબુ અને 25 મીટર પહોળું છે તેમજ 10 માળના આ અલ્ટ્રોસ ક્રૂઝ જહાજ પર દરેક માળે વિવિધ સુવિધાઓ જોવા મળે છે, ક્રૂઝમાં 900 મુસાફરો અને 300 ક્રૂ-મેમ્બરો મુસાફરી કરી શકે છે ક્રૂઝ પરની સુવિધાઓ લોકો માટે આકર્ષણનું કેન્દ્ર સમાન બની રહે છે.ક્રૂઝમાં 420 સ્ટેટ કક્ષાની કેબિનો આવેલી છે.
ક્રૂઝ અનેક સુવિધાઓથી સજ્જ
ક્રૂઝ પર રેસ્ટરોરા, સિનેમા, સ્વિમિંગ પૂલ, 2 ડાઇનિંગ રૂમની સુવિધા પણ રાખવામાં આવી છે. કૂઝ પર 6 લોન્જ,બાર,સ્પા,સલૂન,કસિનો,બૂટિક,જીમ જેવી સવલતો મળી રહે છે. વર્ષ-2020માં એને મિડલ ઇસ્ટમાં તરતી હોટલના પ્રોજેક્ટ માટે ખરીદવામાં આવ્યું હતું, જોકે બાદમાં એને સ્ક્રેપમાં વેચી દેવાનો નિર્ણય લેવાયો હતો.
લકઝુરિયસ અલ્ટ્રોસ ક્રૂઝ શિપબ્રેકિંગ યાર્ડમાં
છેલ્લાં બે વર્ષમાં કોરોના મહામારીને કારણે અલંગ ખાતે શિપ ભંગાવવામાં ઘટોડો નોંધાયો હતો, છેલ્લા 9 માસમાં 9મું ક્રૂઝ અલંગની અંતિમ સફરે આવી પહોંચ્યું છે. અલંગ શિપબ્રેકિંગ યાર્ડના પ્લોટ નં.120માં અલ્ટ્રોસ નામનું 10 માળનું લકઝુરિયસ ક્રૂઝ પેસેન્જર જહાજ લાંબા સમય બાદ શિપબ્રેકિંગ યાર્ડમાં ભંગાવવા માટે આવ્યું છે.