આ વર્ષે 19 સપ્ટેમ્બરથી કોરોના સંકટ વચ્ચે IPL શરૂ થવા જઈ રહી છે. બધા ક્રિકેટર દુબઈ પહોંચી ગયા છે. દરેક ટીમ જુદી જુદી હોટલમાં રોકાઈ રહી છે. મોંઘી હોટલોમાં આવી સુરક્ષા અને સ્વચ્છતા હોવા છતાં, ઘણા સભ્યો કોરોના પોઝિટિવ હોવાનું બહાર આવ્યું છે.
દુબઈની હોટલોમાં ભાડુ પણ ખૂબ વધારે છે. પરંતુ જો તમને લાગે કે આવી વૈભવી અને ખર્ચાળ હોટલો ફક્ત વિદેશમાં છે, તો તમે ખોટા છો. ભારતમાં કેટલીક હોટલો છે, જ્યાં એક રાત્રિનું ભાડુ એટલું વધારે છે કે એક સામાન્ય માણસ એક રાતના ભાડામાં કાર ખરીદી શકે છે.
આ હોટેલોની ભવ્યતા જોઈને તમારી આંખો પહોળી થઇ જશે. ચાલો તમને બતાવીએ ભારતની સૌથી મોંઘી હોટેલો અને તેના ભાડા વિષે. (ભાડું જે તે હોટેલની વેબસાઈટ પ્રમાણે છે)
દર વર્ષે લાખો પ્રવાસીઓ રાજસ્થાનની મુલાકાત લે છે. અહીં પર્યટન ઈકોનોમીમાં મોટો ફાળો આપે છે. એવામાં અહીં ઘણી વૈભવી હોટલો છે. આ સૂચિમાં પ્રથમ નંબરે રાજસ્થાનના ઉદેપુરની લેક પેલેસ હોટેલ છે. તેના ગ્રાન્ડ પ્રેસિડેશનલ સ્યુટમાં રહેવા માટે તમારે એક રાતના 6 લાખ રૂપિયા ચૂકવવા પડશે.
મોંઘી હોટલોની યાદીમાં જયપુરનો બીજો ક્રમ છે. અહીં રામબાગ પેલેસના ગ્રાન્ડ પ્રેસિડેંશિયલ સ્યુટનું ભાડુ 6 લાખ રૂપિયા છે.
મુંબઈના ધ ઓબેરોય હોટલ સૂચિમાં ત્રીજા નંબરે છે. પ્રેસિડેંશિયલ સ્યુટમાં રહેવા માટે ટુરિસ્ટે 3 લાખ ભાડુ ચૂકવવું પડે છે.
આ જ હોટેલ ચેનની ધ ઓબેરોય ગુરુગ્રામને આ સૂચિમાં ચોથું સ્થાન મળ્યું છે. અહીં પણ તમારે પ્રેસિડેન્શ્યલ સ્યુટ માટે ત્રણ લાખ ચૂકવવા પડશે.
યાદીમાં પાંચમી હોટલ ઉદેપુરમાં છે. રાજા-મહારાજાના મહેલ જેવા ઓબેરોય ઉદય વિલાસના કોહિનૂર સ્વીટમાં રહેવા માટે તમારે એક રાત માટે 2.5 લાખ રૂપિયા ખરીદવા પડશે.
ધ ઓબેરોયના અમર વિલાસ આગ્રાને આ યાદીમાં છઠ્ઠું સ્થાન મળે છે. અહીં સૌથી મોંઘા સ્યુટમાં એક રાતનું 2.5 લાખ ભાડું ચૂકવવું પડે છે.
દિલ્હીના લીલા પેલેસને આ લિસ્ટમાં 7મોં ક્રમ મળે છે. અહીંના મહારાજા સ્યુટનું એક રાતનું ભાડું 1.5 લાખ રૂપિયા છે.