વર્ષ 2021માં પહેલુ ચંદ્રગ્રહણ ભારતમાં આંશિક રીતે જોઇ શકાશે એટલે કે તે ધૂંધળુ દેખાશે પરંતુ રાશિઓ પર તેનો સીધો અસર પડશે.
ચંદ્રગ્રહણની શું થશે અસર
ભારતમાં 2021નું પહેલુ ચંદ્રગ્રહણ
આ રાશિઓ પર થશે અસર
કહેવામાં આવે છે કે નરી આંખોથી કોઇ પણ ગ્રહણ જોઇ શકાતુ નથી અને આ ગ્રહણ ધૂંધળુ પણ છે માટે તેને નરી આંખે નહી જોઇ શકાય પરંતુ કેટલીક રાશિઓ પર તે ખરાબ અને કેટલીક રાશિઓ પર સારી અસર કરશે.
26 મેના રોજ આ ગ્રહણ લાગશે અને તે 5 કલાક માટે રહેશે. 2 વાગીને 18 મિનીટથી શરૂ થશે અને સાંજે 7 વાગીને 19 મિનીટ સુધી દેખાશો. તો ચાલો જાણીએ રાશિ પર શું અસર થશે.
કન્યા રાશિ
કન્યા રાશિના જાતકોને ગ્રહણ દરમિયાન લાભ થશે. આર્થિકરૂપથી પોતાને મજબૂત અનુભવશો. તે સિવાય ભગવાન શિવ અને હનુમાનજીના મંત્રના જાપ કરવાથી મનોવાંછીત ફળની પ્રાપ્તિ થશે.
ધન રાશિ
ધન રાશિના જાતકોમાં પહેલા કરતા વધારે સારી સ્થિતિ થશે. તેમની હેલ્થમાં સુધારો જોવા મળશે. વ્યાપાર તેમજ કાર્યક્ષેત્રમાં સફળતા પ્રાપ્ત થશે. નવી આવકના દ્વાર પણ ખુલી શકે છે.
સિંહ રાશિ
આ રાશિના જાતકો પર ગ્રહણની ખરાબ અસર થશે. પરિવારના કોઇ સદસ્યની હેલ્થ ખરાબ થવાની સંભાવના રહે છે અને તેમણે સ્વાસ્થ્ય પર વિશેષ ધ્યાન આપવુ જોઇએય કાર્યક્ષેત્રમાં સમસ્યાઓનો સામનો કરવો પડી શકે છે. આ દરમિયાન ધનહાનિ થવાનો પણ અણસાર છે.
કર્ક રાશિ
કર્ક રાશિના જાતકોને સ્વાસ્થ્ય સંબંધી સમસ્યાઓ થઇ શકે છે. અચાનક જ કોઇ મોટી સમસ્યા ઉભી થઇ શકે છે અને બેચેની પણ થઇ શકે છે. નોકરી વ્યાપારમાં કોઇ મોટી સમસ્યા ઉભી થઇ શકે છે.
26 મે એટલે કે વૈશાખી પૂનમની સાંજે જોવા મળશે
2021નું પહેલું ગ્રહણ ચંદ્રગ્રહણ હશે. જે 26 મે એટલે કે વૈશાખી પૂનમની રાતે જોવા મળશે. આખી દુનિયામાંથી ભારતમાં ખાલી અમુક જ પ્રદેશમાં આ ગ્રહણ જોઈ શકાશે. આ ગ્રહણના દિવસે બુધવાર છે જે વૃશ્ચિક રાશિ અને અનુરાધા નક્ષત્રમાં લાગશે. ચંદ્ર પર આંશિક ગ્રહણ બપોરે લગભગ સવા ત્રણ વાગ્યે શરૂ થશે અને સાંજે 7 વાગીને 19 મિનિટે પૂરું થશે.
26 મે ની સાંજે આકાશમાં દેખાશે સુપર મુન
પૂર્વમાં થનાર આ ચંદ્ર ગ્રહણ સંપૂર્ણ થશે ત્યારે આકાશમાં સાંજે સુપર મુન દેખાશે. એમ પી બિરલાના નિર્દેશક અને પ્રખ્યાત ખગોળ વૈજ્ઞાનિક દેબીપ્રસાદ દુઆરીએ કહ્યું કે કોલકાતામાં છેલ્લું ચંદ્રગ્રહણ 10 વર્ષ પહેલા 10 ડિસેમ્બર 2011માં જોવા મળ્યું હતું. તેમણે વધુમાં જણાવ્યું કે 26 મે ની સાંજે પૃથ્વી, સૂર્ય અને ચંદ્ર એક સીધી રેખામાં હશે એટલે ધરતી પરથી ગ્રહણના રૂપમાં જોવા મળશે અને થોડા કલાકો માટે ગ્રહણ પણ લાગશે. ચંદ્ર પૃથ્વીની આસપાસ ફરતા ફરતા થોડા સમય માટે પૃથ્વી ના પડછાયા પાસેથી પસાર થસે અને સંપૂર્ણ ગ્રહણ લાગશે.
ક્યાં ક્યાં જોવા મળશે?
પૂર્વ એશિયા, પ્રશાંત મહાસાગર, ઉત્તર અને દક્ષિણ અમેરિકાના મોટાભાગના વિસ્તારોમાં અને ઑસ્ટ્રેલિયમાં સંપૂર્ણ ચંદ્ર ગ્રહણ જોવા મળશે. ભારતની વાત કરીએ તો ભારતનો ભાગ આ સમયે પૂર્વ ક્ષિતિજથી નીચે હોવાથી ભારતના અમુક જ ભાગોમાં સંપૂર્ણ ચંદ્ર ગ્રહણ નહીં જોવા મળે. પરંતુ ભારતના પૂર્વ ભાગોમાં આંશિક ચંદ્રગ્રહણ જોઈ શકાશે. એ પણ એવા સમયમાં જ્યારે ચંદ્રને આવવાનો સમય થશે.