16 મેનાં રોજ ચંદ્ર ગ્રહણ લાગવા જઈ રહ્યું છે. આ દિવસે ચંદ્ર લાલ રંગનો જોવા મળશે, જેથી તેને બ્લડ મૂન પણ કહેવામાં આવે છે.
16 મેનાં રોજ લાગશે ચંદ્ર ગ્રહણ
ભારતમાં નહીં જોવા મળે આ ગ્રહણ
પૂનમનાં દિવસે જ લાગે છે ચંદ્ર ગ્રહણ
16 મેનાં રોજ લાગશે ચંદ્ર ગ્રહણ
30 એપ્રિલનાં રોજ સૂર્ય ગ્રહણનાં 15 દિવસ બાદ ચંદ્ર ગ્રહણ લાગવા જઈ રહ્યું છે. આ વખતે ચંદ્ર ગ્રહણ 16 મેનાં દિવસે લાગશે. આ દિવસે વૈશાખ પૂર્ણિમા પણ છે. માન્યતા છે કે ચંદ્ર ગ્રહણ હંમેશા પૂર્ણિમાનાં દિવસે જ લાગે છે. આ વખતે લાગનાર ચંદ્ર ગ્રહણ પૂર્વ ચંદ્ર ગ્રહણ હશે. એટલું જ નહીં, આ દિવસે ચંદ્ર લાલ રંગમાં જોવા મળશે. એટલા માટે તેને બ્લડ મૂનનાં નામથી પણ ઓળખવામાં આવે છે. આવો જાણીએ બ્લડ મૂન ક્યાં અને ક્યારે જોવા મળશે.
અહી જોવા મળશે બ્લડ મૂન
16 મેનાં રોજ લાગનાર ચંદ્ર ગ્રહણ આ વખતે 15 મેની રાત્રે 10 કલાક અને 28 મિનિટથી શરુ થઈને 16 મેનાં રોજ 1 કલાક 55 મિનિટ સુધી રહેશે. અ વખતે ચંદ્ર ગ્રહણ દુનિયાનાં ઘણા હિસ્સાઓમાં જોવા મળશે, પરંતુ ભારતમાં જોવા મળશે નહીં. 16 મેનાં રોજ લાગનાર ચંદ્ર ગ્રહણ સાઉથ અમેરિકા અને નોર્થ અમેરિકાનાં પૂર્વ ભાગમાં જોવા મળશે. જ્યારે યુરોપ અને આફ્રિકાનાં અમુક ભાગોમાં પણ આ જોવા મળશે.
જાણો શું છે બ્લડ મૂન
વૈજ્ઞાનિકો અનુસાર, જ્યારે ચંદ્ર ગ્રહણ પર ચંદ્ર પૂર્ણ ગ્રહણ લાગે છે, ત્યારે તેને બ્લડ મૂન કહેવામાં આવે છે. આમાં ચંદ્ર પૂરા લાલ રંગનો થઇ જાય છે. આ એક ખગોળીય ઘટના હોય છે. જણાવી દઈએ કે ચંદ્ર ગ્રહણ ત્યારે લાગે છે, જ્યારે સૂર્ય અને ચંદ્ર વચ્ચે પૃથ્વી આવી જાય છે અને તેની છાયા ચંદ્રનાં પ્રકાશને અટકાવે છે. જ્યારે ચંદ્ર પૃથ્વીની પાસે પહોંચે છે, તો તેનો રંગ ઘાટા લાલ રંગનો થઇ જાય છે, જેને બ્લડ મૂન કહેવામાં આવે છે.
જાણો ચંદ્ર ગ્રહણ 2022નો સૂતક કાળ
કહેવામાં આવે છે કે વર્ષનું પહેલું ચંદ્ર ગ્રહણ કે જે 16 મેનાં રોજ લાગવા જઈ રહ્યું છે, ભારતમાં તે જોવા નહીં મળે અને આ કારણે તેનો સૂતક કાળ પણ માન્ય નથી. જોકે જણાવી દઈએ કે ચંદ્ર ગ્રહણનાં સમયનાં 9 કલાક પહેલાથી જ સૂતક કાળ શરુ થઇ જાય છે. જણાવી દઈએ કે ચંદ્ર ગ્રહણ હંમેશા પૂનમનાં દિવસે જ લાગે છે અને સૂર્ય ગ્રહણ હંમેશા અમાસનાં દિવસે જ લાગે છે.