lunar eclipse 2021 / શું ભારતમાં જોઈ શકાશે બ્લડ મૂન, જાણો ચંદ્રગ્રહણનો સમય અને તારીખ

• આવતીકાલે યોજાશે ચંદ્રગ્રહણ
• બ્લડ મૂન ભારતમાં જોઈ શકાશે નહીં
• 26મેના રોજ યોજાશે વર્ષનું પહેલું ચંદ્રગ્રહણ

 
વર્ષ 2021નું પહેલું પૂર્ણ ચંદ્રગ્રહણ 26મેના રોજ એટલે કે આવતીકાલે જોવા મળશે. આ પૂર્ણ ચંદ્રગ્રહણને બ્લડ મૂન કે સુપર મૂન પણ કહેવામાં આવે છે. બ્લડ મૂનનો સમય આ વખતે ફક્ત 14 મિનિટનો છે. જો કે આ ગ્રહણ ભારતમાં દેખાશે નહીં. ભારતમાં આ ઉપછાયા ચંદ્રગ્રહણ છે. આ કારણે સૂતક કાળ પણ માન્ય રહેશે નહીં. ઉલ્લેખનીય છે કે ગ્રહણકાળમાં સૂતકકાળનો સમય શુભ કાર્ય, ખાવાનું અને પીવાનું ટાળવામાં આવે છે. માન્યતા છે કે તેનાથી દોષ લાગે છે. તો જાણો ભારતમાં દેખાશે કે નહીં ચંદ્રગ્રહણ. 
 

તારીખ અને સમય
વર્ષ 2021નું પહેલું ચંદ્રગ્રહણ આવતીકાલે જોવા મળશે. ભારતીય સમય અનુસાર આ વર્ષનું પહેલું ચંદ્રગ્રહણ હશે અને તે સવારે 2.17 મિનિટે શરૂ થશે. આ સાથે તે સાંજે 7.19 મિનિટ સુધી જોવા મળી શકે છે. ગ્રહણનું આંશિક ચરણ 15.15 કલાકે શરૂ થનારું છે. કુલ ચરણ 16 કલાક 39 મિનિટ ભારતીય સમયે શરૂ થશે. તે 16 કલાક 58 મિનિટે પૂરું થશે. આંશિક ચરણ 18 કલાક 23 મિનિટે ભારતીય સમય અનુસાર સમાપ્ત થશે. 
 
ભારતમાં આ જગ્યાઓએ દેખાશે આંશિક ચરણની ક્ષણો
ભારતમાં ચંદ્રોદય બાદ ગ્રહણના આંશિક ચરણની સમાપ્તિની થોડી ક્ષણો પહેલા ભારતના ઉત્તર પૂર્વ ભાગમાં પ. બંગાળના કેટલાક ભાગ, ઓરિસ્સા, અંડમાન અને નિકોબાર દ્વીપના તટીય ભાગથી દેખાશે. ભારતમાં આ ઉપછાયા ચંદ્રગ્રહણ છે. પૂર્ણ ગ્રહણ એટલે કે બ્લડ મૂન દક્ષિણ અમેરિકા, એશિયા, ઓસ્ટ્રેલિયા, એન્ટાર્કટિકા, પ્રશાંત મહાસાગર અને હિંદ મહાસાગરના કેટલાક ભાગમાં જોઈ શકાય છે.  

શું હોય છે ઉપછાયા ચંદ્રગ્રહણ
આ ગ્રહણને ગ્રહણ માનવામાં આવ્યું નથી. જ્યારે પણ કોઈ ચંદ્રઘટિત ઘટના બને છે ત્યારે પહેલા ચંદ્રમા પૃથ્વીની ઉપછાયામાં પ્રવેશ કરે છે જે જ્યોતિષમાં ચંદ્ર માલિન્ય કહેવાય છે. પૃથ્વીની આ છાયાથી નીકળ્યા બાાદ જ ચંદ્રમા તેમની વાસ્તવિક છાયાના અંતર્ગત પ્રવેશ કરે છે અને આ સ્થિતિમાં વાસ્તવિક રીતે પૂર્ણ અથવા આંશિક ચંદ્રગ્રહણ લાગતું નથી. અનેક વાર પૂર્ણિમાન દિવસે ચંદ્ર પૃથ્વીની છાયામાં પ્રવેશ કર્યા બાદ ત્યાંથી જ બહાર નીકળી જાય છે. તેનાથી જે પૃથ્વીની અસલી છાયા સુધી પ્રવેશ કરી શકતું નથી. આ સ્થિતિમાં ચંદ્રમાની સતહ પૃથ્વીથી જોતા તે ધૂંધળી દેખાય છે. આ બિમ્બ એટલું હલકું હોય છે કે તેને નગ્ન આંખોથી જોઈ શકાતુ નથી. તેને ઉપછાયા ચંદ્રગ્રહણ કહેવાય છે.