આજે વર્ષ 2020નું પ્રથમ ચંદ્રગ્રહણ જોવા મળશે. ભારતીય સમય અનુસાર ચંદ્રગ્રહણ રાત્રે 10 વાગે 37 મિનિટે શરૂ થશે અને 11 જાન્યુઆરીના રોજ 2 વાગ્યા અને 42 મિનિટે સમાપ્ત થશે. એટલે કે કુલ 4 કલાક અને 1 મિનિટ માટે આ ગ્રહણ પૃથ્વી પરથી જોઈ શકાશે.
આજે વર્ષ 2020નું પ્રથમ ચંદ્રગ્રહણ
મોડીરાતે 10.37 કલાકે ચંદ્રગ્રહણ શરૂ થશે
લગભગ 4 કલાક 5 મીનિટ સુધી રહેશે ગ્રહણ
ચંદ્રગ્રહણ સમગ્ર ભારતની સાથોસાથ, આફ્રિકા, એશિયા, યુરોપ અને ઑસ્ટ્રેલિયામાં પણ દેખાશે.
હવે પછીના ચંદ્રગ્રહણ ક્યારે?
આ વર્ષમાં અલગ અલગ કુલ 4 ચંદ્રગ્રહણ જોવા મળશે. જેમાં હવેના ચંદ્રગ્રહણ 5 જૂન, 5 જુલાઈ અને 30 નવેમ્બરે સર્જાશે.
અદભૂત ખગોળિય ઘટના
જો કે ચંદ્રગ્રહણને જોવા માટે કોઈ ખાસ સાવધાની રાખવાની જરૂર હોતી નથી. ચંદ્રગ્રહણ જોવું સમગ્રપણે સુરક્ષિત માનવામાં આવે છે. તમે આ નજારો નરી આંખે પણ નિહાળી શકો છો. જો ચંદ્રગ્રહણ જોવા માટે ટેલિસ્કોપની વ્યવસ્થા થઈ શકે તો ચંદ્રગ્રહણનું આ દૃશ્ય તમારા જીવનનો એક આહ્લાદક અનુભવ સાબિત થઈ શકે છે. જો કે ચંદ્રગ્રહણ સાથે કેટલીક માન્યતા-ગેરમાન્યતાઓ વણાયેલી છે. અનેક માન્યતાઓ અનેક લોકો માટે શ્રદ્ધાનો વિષય હોય છે અને તેનું પાલન પણ કરાતું હોય છે.