વેલનેસ સેન્ટરના નામ પર કરોડો રૂપિયાની છેતરપિંડી મામલે યુપી પોલીસ એક્શનમાં આવી છે. શિલ્પા પાસે 3 દિવસમાં જવાબ માંગ્યો છે.
શિલ્પાને ફટકારવામાં આવી નોટિસ
છેતરપિંડીના મામલામાં યુપી પોલીસ એક્શનમાં
શિલ્પાની પૂછપરછી થઇ નહોતી
બોલીવૂડ એક્ટ્રેસ શિલ્પા શેટ્ટી મુશ્કેલ પરિસ્થિતિમાંથી પસાર થઇ રહી છે. રાજ કુન્દ્રા પોર્નોગ્રાફી કેસ બાદ હવે શિલ્પા અને તેની માતા સુનંદા પર કરોડો રૂપિયાની છેતરપિંડીનો આરોપ લાગ્યો છે અને લખનઉ પોલીસે શિલ્પાને નોટિસ પણ ફટકારી છે.
વેલનેસ સેન્ટરના નામ પર છેતરપિંડી
વેલનેસ સેન્ટરના નામે શિલ્પા અને તેની માતાએ કરોડો રૂપિયાની છેતરપિંડી કરી છે તેવો આરોપ લાગ્યો છે. લખનઉ પોલીસ શિલ્પા અને તેની માતા સુનંદાની પૂછપરછ કરવા માટે મુંબઇ પહોંચી હતી પરંતુ શિલ્પા શેટ્ટી ત્યાં મળી નહોતી. એક્ટ્રેસની ગેરહાજરીમાં પોલીસે તેના મેનેજરને નોટિસ આપી દીધી છે.
3 દિવસમાં આપો જવાબ
શિલ્પા શેટ્ટીને આ નોટિસમાં 3 દિવસનો જવાબ આપવા માટે કહેવામાં આવ્યું છે. તમને જણાવી દઇએ કે શિલ્પા સાથે આયોસિસ વેલનેસ સેન્ટરના કિરણ બાવાને પણ લખનઉ પોલીસે નોટિસ આપી છે અને તેમની પાસે પણ સમગ્ર મામલા પર જવાબ માંગ્યો છે.
શું છે સમગ્ર મામલો
એક્ટ્રેસ અને તેની માતા પર કોરોડો રૂપિયાની છેતરપિંડીનો આરોપ લાગ્યો છે. શિલ્પાની માતા અને એક્ટ્રેસ વિરુદ્ધ લખનઉના હજરતગંજ અને વિભૂતિખંડ એમ 2 જગ્યાએ ફરિયાદ નોંધાઇ છે. પોલીસ મામલાની તપાસ કરી રહી છે અને બંને પર વેલનેસ સેન્ટરના નામ પર લોકો પાસેથી કરોડો રૂપિયાની છેતરપિંડી કરવાનો આરોપ લાગ્યો છે.
રાજ કુન્દ્રાની ધરપકડ
પોર્ન સ્કેન્ડલમાં ધરપકડ બાદ રાજ કુંદ્રા અને તેમની પત્ની શિલ્પા શેટ્ટીની વચ્ચે પણ તણાવની સ્થિતિ જોવા મળી. અશ્લીલ ફિલ્મો બનાવવા સાથે જોડાયેલા મામલામાં જ્યારે મુંબઈ પોલીસ રાજ કુંદ્રાને લઈને તેમના ઘરે તપાસ માટે પહોંચી તો શિલ્પા શેટ્ટી બધાની સામે જ રાજ પર ગુસ્સે થઈ ગઈ. શિલ્પાએ રાજને પ્રશ્ન કર્યો કે આપણા પાસે બધુ જ છે. તો પછી આ બધુ કરવાની ક્યાં જરૂર હતી? માનવામાં આવી રહ્યું છે કે પોર્ન ફિલ્મ કેસમાં ધરપકડ બાદ રાજ કુંદ્રાએ તેમની પત્ની શિલ્પા શેટ્ટી રાજ પર ખૂબ ગુસ્સે છે. તેમને દરરોજે તમામ પ્રશ્નોનો સામનો કરવો પડી રહ્યો છે.