લખનૌ પોલીસે લક્ઝરી ગાડીઓની ચોરી કરતી એક મોટી ગેંગનો પર્દાફાશ કર્યો છે. પોલીસે આ ગેંગના 5 આરોપીઓની ધરપકડ કરી છે અને આરોપીોઓના કબજામાંથી 5 કરોડની 50 લક્ઝરી ગાડીઓ કબજે કરી છે. આ ગેંગમાં ભોજપુરી અભિનેતા નાસિરનો પણ સમાવેશ થાય છે, જે પોલીસ કસ્ટડીમાં છે.
ફિલ્મોમાં કામ કરનાર આ અભિનેતા ગેંગ સાથે ગાડીઓ ચોરી કરે છે
આ અભિનેતા ભોજપુરી ફિલ્મોમાં પોલીસનો રોલ કરતો હતો
હવે પોલીસે આ ગેંગની પકડી લીધી છે
લખનઉના પોલીસ કમિશનર સુજિત પાંડેએ પ્રેસ કોન્ફરન્સમાં જણાવ્યું કે, રાજ્યના પાટનગરમાં એક્સીડેન્ટલ ગાડીઓની સાથે ચોરી કરેલા વાહનોની ખરીદી અને વેચાણ કરતા લોકોની ગેંગ પકડાઈ છે. ડીસીપી (પૂર્વ) સોમેન વર્મા અને તેની ટીમે આરોપી પાસેથી બીએમડબલ્યુ, ઇનોવા જેવા 50 લક્ઝરી વાહનો કબજે કર્યા છે. તેમણે કહ્યું કે આ ગેંગનો પર્દાફાશ કરનાર ટીમને 50 હજાર રૂપિયાનું રોકડ ઇનામ આપવામાં આવશે. આ ચોરાયેલા વાહનોની રિકવરી માટે લખનઉ પોલીસ દિલ્હી સહિત અનેક શહેરોની પોલીસ સાથે સંપર્કમાં છે.
આ ગેંગમાં ભોજપુરી અભિનેતા નાસિરનો પણ સમાવેશ થાય છે. નાસિરે ત્રણ ભોજપુરી ફિલ્મોમાં પોલીસની ભૂમિકા ભજવી છે. સાથે જ આ ગેંગમાં પોતાને કલ્યાણ બોર્ડનો ઓએસડી બતાવનાર શખ્સ ઓમી પાલ છે. ઉપરાંત રિઝવાન નામનો એક આરોપી પણ છે જે એક મોટો ઉદ્યોગપતિ બનીને બેંગકોકમાં હોટલ ખરીદવાનો પ્રયાસ કરી રહ્યો હતો.
પોલીસ કમિશનરે કહ્યું કે, આ ચાલાક ગેંગના તાર નેપાળ, ઉત્તર પ્રદેશ, બિહાર, દિલ્હી, હરિયાણા સહિતના ઘણાં રાજ્યો સાથે જોડાયેલા છે. આ ચોરો એક્સીડેન્ટલ વાહનોની ચોરી કરતા હતા અને તેમની મરામત કર્યા બાદ તેને નવી જેવી કરી દેતા હતા.
પોલીસે ખરીદી હતી ઈનોવા
આ ગેંગની એક ટીમ કાર ચોરી કરવાનું કામ કરે છે. બીજી ટીમ ચેસિસ નંબર બદલીને ઓવરરાઈટ કરે છે અને ત્રીજી ટીમ કારને વેચવાનું અને ઈન્શ્યોરન્સનું કામ કરે છે. આ સમગ્ર કેસમાં પ્રાઈવેટ ઈન્શ્યોરન્સ કંપની પણ સામેલ છે. આ ગેંગનો પર્દાફાશ કરવા માટે પોલીસે ઇનોવા ગાડી ખરીદી હતું.