વેટના દરોમાં કાપ મુકાય તો ડીઝલ પેટ્રોલની કિંમતોમાં થોડીક રાહત મળી શકે
બેઠકમાં પેટ્રોલ ડીઝલ તથા પેટ્રોલ પર લાગેલા વેટને લઈને ચર્ચા થઈ શકે
મળતી જાણકારી મુજબ આ બેઠકમાં પેટ્રોલ ડીઝલ તથા પેટ્રોલ પર લાગેલા વેટને લઈને ચર્ચા થઈ શકે છે. બેઠકમાં વેટને ઓછું કરતા સામાન્ય વ્યક્તિને પેટ્રોલ ડીઝલની વધતી કિંમતોમાં રાહત આપવાનો પણ નિર્ણય લેવાઈ શકે છે. જણાવી દઈએ કે આ સમયે દેશમાં પેટ્રોલ 100 રુપિયાથી વધારે કિંમતમાં વેચાઈ રહ્યું છે. જ્યારે ડીઝલ પણ શતક લગાવવાની નજીક છે. મનાઈ રહ્યું છે કે ચૂંટણી હોવાના કારણે યોગી સરકાર વેટના દરમાં ઘટાડો કરી રાજ્યના લોકોને થોડીક રાહત આપી શકે છે.
વેટના દરોમાં કાપ મુકાય તો ડીઝલ પેટ્રોલની કિંમતોમાં થોડીક રાહત મળી શકે
જો ગુરુવારે ઉત્તર પ્રદેશમાં પેટ્રોલની કિંમતોની વાત કરીએ તો 105 રુપિયા પ્રતિ લીટર છે. જ્યારે ડીઝલ 97.48 રુપિયા પ્રતિ લીટર વેચાઈ રહ્યું છે. જો સરકાર વેટના દરોમાં કાપ મુકે છે તો ડીઝલ પેટ્રોલની કિંમતોમાં થોડીક રાહત મળી શકે છે. બીજી તરફ મંગળવારે કેન્દ્રીય પેટ્રોલિયમ મંત્રી હરદિપ સિંહ પુરીએ કહ્યું કે પેટ્રોલ ડીઝલની કિંમતોને ઓછી કરવા માટે સરકાર પ્રયાસરત છે. તેમણે જણાવ્યું કે સાઉદી અરબ, ખાડી દેશો અને રશિયાની સાથે સરકારની વાતચીત જારી છે.
પેટ્રોલ 150 રુપિયા લીટર થવાની આશા
બીજી તરફ જાણકારોનું માનીએ તો આવનારા દિવસોમાં અનેક રાજ્યોમાં પેટ્રોલની કિંમતો 150 રુપિયા પ્રતિ લીટર સુધી જઈ શકે છે. હકિકતમાં વૈશ્વિક બજારમાં જે રીતે કાચા તેલની કિંમતો વધી રહી છે. એવી સ્થિતિમાં તેલની કિંમતોમાં પણ ઘટાડાની આશા પણ ઓછી લાગી રહી છે. જો મધ્ય પ્રદેશની વાત કરીએ તો આ સીમાવર્તી અનૂપપુર જિલ્લામાં પેટ્રોલની કિંમત 120 રુપિયા પ્રતિ લીટરની પાર અને ડીઝલના ભાવ 110 રુપિયા લીટરને પાર પહોંચી ગયો છે.