UP / કોંગ્રેસના નવા પ્રમુખ નક્કી થાય તે પહેલાં પ્રિયંકા ગાંધીને લઈને મોટા સમાચાર

કોંગ્રેસ અધ્યક્ષ પદથી રાહુલ ગાંધીના રાજીનામા બાદ હવે પાર્ટીમાં પુનર્ગઠનની પ્રક્રિયા ચાલી રહી છે. સિન્ધિયાએ થોડા દિવસો પહેલા રાજીનામુ આપી દીધુ છે. કોંગ્રે્સના નવા રાષ્ટ્રીય અધ્યક્ષ નક્કી થયા બાદ પ્રદેશોમાં બદલાવ કરાશે. તેને જ જોતા હાલ પ્રિયંકા ગાંધીને પૂર્વી ઉત્તર પ્રદેશ સાથે પશ્ચિમી ઉત્તર પ્રદેશની પણ જવાબદારી આપવામાં આવી છે. 

પ્રિયંકા ગાંધી વાડ્રાને ઉત્તર પ્રદેશ કોંગ્રેસના પ્રભારી પદની જવાબદારી મળ્યાની સૂચના આવતા જ પ્રદેશ કોંગ્રેસ કાર્યાલયમાં નેતા એક બીજાને શુભેચ્છા પાઠવતા જોવા મળ્યા હતા. પાર્ટી કાર્યકર્તાઓનું કહેવું છે કે એક પ્રભારી મહાસચિવ હોવાને કારણે નિર્ણય લેવામાં બિનજરૂરી વિલંબ નહીં થાય. હવે અહીં સંગઠનને મજબૂતી મળશે. પાર્ટીના પ્રદેશ પ્રવક્તા બ્રજેન્દ્ર કુમાર સિંહે કહ્યું કે, રાષ્ટ્રીય મહાસચિવ પાર્ટી સંગઠનને મજબૂત બનાવવામાં લાગ્યા છે.  

એક તરફ વિધાનસભાની બેઠકો પર યોજાનારી પેટાચૂંટણીની તૈયારી માટે બે-બે નેતાઓના પ્રભારી બનાવીને ક્ષેત્રોમાં મોકલી દેવામાં આવ્યા છે. તો બીજી તરફ જિલ્લામાં સંગઠન ને લઇને બેઠક થઇ રહી છે. અનુશાસન સમિતિ લોકસભા ચૂંટણીમાં ફરિયાદો પર પોતાની તપાસ રિપોર્ટને અંતિમ સ્વરૂપ આપી રહી છે. પ્રિયંકાં ગાંધી તમામ કામની દેખરેખ રાખી રહી છે. એવામાં નિર્ણય લેવાઇ શકે છે. 

પ્રદેશ પ્રવક્તા અંશૂ અવસ્થીએ કહ્યું કે તેનાથી સંગઠનને મજબૂતી આપવાના કામને ગતિ મળશે. પશ્ચિમી યૂપીના લોકો આ વિશે ફરિયાદ કરતા હતા કે પ્રિયંકા ગાંધીને ત્યાના પ્રભાર ન સોંપીને તેમની સાથે ભેદભાવ કરવામાં આવ્યો છે. હવે તેમના સંપૂર્ણ પ્રદેશને જોતા કાર્યકર્તાઓમાં ઉત્સાહ છે.