ભયાનક અકસ્માત / VIDEO : આખેઆખી ટ્રક ઉપર ચઢી ગઈ તોય જીવતો નીકળ્યો બાઈક સવાર, કાળજું કંપી જશે વીડિયો જોઈને

• જેની આવરદા બચી હોય તેને કોણ મારી શકે?
• આખી ટ્રક ઉપર ચઢી હોય તોય બાઈક સવાર બચી ગયો
• ભયાનક અકસ્માતનો વીડિયો વાયરલ 

સ્પીડના કારણે રોજ ક્યાંકને ક્યાંક અકસ્માતના સમાચાર સામે આવે છે, જેના વીડિયો ચોંકાવનારા હોય છે. આ વીડિયો સોશિયલ મીડિયા પર પણ વધુને વધુ વાયરલ થઈ રહ્યા છે. આવા જ એક અકસ્માતનો વીડિયો સામે આવ્યો છે, જેમાં એક બાઇક સવાર વ્યક્તિ પૂરપાટ ઝડપે આવી રહેલી ટ્રક સાથે ટકરાવાનો હતો. આવી સ્થિતિમાં, તેનું મોત નિશ્ચિત હતું, પરંતુ પછી તે વ્યક્તિ અચાનક પડેખેથી બાઈક હાંકીને જાણે કંઈ બન્યું જ ન હોય તેમ રફુચક્કર થઈ જાય છે. 

ऐसी गति राखिये, दुर्घटना कभी ना होय,
औरन भी सुरक्षित रहै, आपौ सुरक्षित होय. pic.twitter.com/Gvy6B96EdD

— Dipanshu Kabra (@ipskabra) January 5, 2023

કેવી રીતે થયો અકસ્માત
સમય છે રાતનો. એક બાઈક સવાર રસ્તા પર જઈ રહ્યો છે, બરાબર ત્યારે સામેથી માતેલા સાંઢની જેમ એક ટ્રક આવી રહી છે. ચાર રસ્તા પર બાઈક સવારને બચાવવા જતા ટ્રક ચાલક જે રસ્તો ખાલી પડ્યો હતો ત્યાં ટ્રકને ફેરવી નાખે છે પરંતુ આ દરમિયાન બાઈક સવાર ટ્રકની નીચે આવી ગયો હતો. ઘડીક વાર તો એવું લાગ્યું કે બાઈક સવારનું હાડકું પણ નહીં બચે પરંતુ આ શું બધાની નવાઈ વચ્ચે બાઈક સવાર ટ્રકની વચ્ચે જે જગ્યા હતી ત્યાંથી સડસડાટ નીકળીને ભાગી ગયો. 

ખરેખર કંપાવી દેતો વીડિયો
આ ઘટનાનો એક વીડિયો સોશિયલ મીડિયા પર ફરતો થયો છે. વીડિયો વાયરલ થયા બાદ લોકોને જોઈને ખરેખરો ડર લાગ્યો હતો. લોકોએ કહ્યું કે એક વાત નક્કી છે જેની આવરદા બચી હોય તેને કોઈ મારી શકતું  નથી.