મુખ્યમંત્રી ભૂપેન્દ્ર પટેલની ઉપસ્થિતિમાં ગુજરાત સરકાર અને L&T કંપની વચ્ચે થયા MOU, L&T કંપની વડોદરા નજીક IT અને ITeS ઇનેબલ્ડ સર્વિસીસ ટેક્નોલોજી પાર્ક સ્થાપશે
IT અને ITeS પોલિસીને વ્યાપક પ્રતિસાદ
L&T અને સરકાર વચ્ચે MOU થયા
IT અને ITeS ઇનેબલ્ડ સર્વિસીસ ટેક્નોલોજી પાર્ક સ્થાપશે
ગુજરાત સરકારે જાહેર કરેલી IT અને ITeS પોલિસીને વ્યાપક પ્રતિસાદ મળ્યો છે. L&T અને સરકાર વચ્ચે MOU થયા છે. આ પોલિસી અંતર્ગત L&T કંપની વડોદરા નજીક IT અને ITeS ઇનેબલ્ડ સર્વિસીસ ટેક્નોલોજી પાર્ક સ્થાપશે.
રોજગારીની તકો ઉભી થશે
L&T આગામી 5 વર્ષમાં રાજ્યમાં IT પાર્કમાં 7 હજાર કરોડ રૂપિયાનું રોકાણ કરશે. જેના થકી 2 હજાર ઇજનેર અને અનેક યુવાનોને રોજગારી મળશે.આગામી પાંચ વર્ષમાં ડાયરેક્ટ અને ઇનડાયરેક્ટ એમ્પ્લોયમેન્ટ મળી કુલ ૧૦ હજાર જેટલી સૂચિત રોજગારી પૂરી પાડવાનું L&T નું આયોજન છે.આ MoUs અન્વયે કુલ રૂ. 2400 કરોડના સૂચિત રોકાણ સાથે આશરે 13,750 ઉચ્ચ કૌશલ્ય ધરાવતી IT ક્ષેત્રે રોજગારીની તકો ઊભી થશે. મહત્વનું છે કે આ પ્રસંગે શિક્ષણમંત્રી જિતુભાઇ વાઘાણી પણ ઉપસ્થિત રહ્યા હતા. ઉલ્લેખનીય છે કે પોલિસી જાહેર થયાના 6 મહિનામાં રાજ્ય સરકારે 13 IT કંપનીઓ સાથે MOU કર્યા છે.
IT અને ITeS પોલિસી શું છે અને તેનો ઉદ્દેશ્ય શું ?
મુખ્યમંત્રી ભૂપેન્દ્ર પટેલે ફેબ્રુઆરી 2022માં ‘ઇન્ફોર્મેશન ટેક્નોલોજી ક્ષેત્રે આત્મનિર્ભર ગુજરાતથી આત્મનિર્ભર ભારત’’ના વિઝનને સાકાર કરવા ગુજરાત સરકારે આ નવી IT અને ITeS પોલિસી 2022-27 લોન્ચ કરી હતી. મુખ્યમંત્રીએ આ ગુજરાત IT અને ITeS પોલિસીના ઉદ્દેશ્યોની વિસ્તૃત જાણકારી આપતાં ઉમેર્યુ હતું કે, હાઇસ્કીલ્ડ ઉદ્યોગો માટે IT ટેલેન્ટ પૂલ બનાવવા, અદ્યતન આઇ.ટી ઇન્ફ્રાસ્ટ્રકચર પ્રદાન કરવા તેમજ સરળ પ્રોત્સાહક યોજના વિકસાવવાનો આ નવી પોલિસીનો હેતુ છે એટલું જ નહિ, રાજ્યમાં એક મજબૂત કલાઉડ ઇકોસિસ્ટમ સ્થાપિત કરવા તેમજ આર્ટિફિશ્યલ ઇન્ટેલિજન્સ, મશીન લર્નિંગ, ક્વોન્ટમ કોમ્પ્યુટીંગ, બ્લોકચેન જેવી નવી અને ઉભરતી ટેક્નોલોજીમાં રિસર્ચ એન્ડ ડેવલપમેન્ટને પ્રોત્સાહન આપવાનો ઉદ્દેશ પણ આ પોલિસીમાં સમાવિષ્ટ છે.