LRD ભરતી વિવાદ / LRD આંદોલન પર બેઠેલી મહિલાઓએ ખટખટાવ્યો અદાલતનો દરવાજો

• LRD મામલે રાજ્ય સરકાર પાસે નિમણૂંક પત્રની કરી માગ 
• 1578માંથી 254 પાસ થયેલી યુવતીઓએ કરી અરજી
• તાત્કાલિક નિમણૂંક પત્ર આપવાની માગ સાથે HCમાં અરજી

LRD અનામત મુદ્દે આજે સરકાર અનામતની તરફેણમાં કોર્ટમાં એફિડેવિટ કરશે. રાજ્ય સરકાર આજે હાઇકોર્ટમાં સીધી લીટીમાં અનામતનો લાભ મળે તેવું એફિડેવિટ કરશે. અને મેરિટ હશે તે અનામત ઉમેદવારને જનરલનો લાભ મળશે. આજે હાઇકોર્ટમાં 01-08નો પરીપત્ર રદ કરવા સુનાવણી હાથ ધરાશે. 

આંદોલનને સમેટવા સરકારે ગણપત વસાવાને જવાબદારી સોંપી

ગાંધીનગરમાં જાતિ પ્રમાણપત્ર મુદ્દે આદિવાસીઓ ધરણા કરી રહ્યાં છે. સાચા આદિવાસી અધિકાર બચાવ સમિતિ સાથે આજે સરકારની બેઠક યોજાશે. મંત્રી ગણપત વસાવા આદિવાસી આગેવાનો સાથે બેઠક કરશે. આદિવાસી પ્રમાણપત્ર અંગે આંદોલન ચાલી રહ્યું છે. આ આંદોલનને સમેટવા સરકારે ગણપત વસાવાને જવાબદારી સોંપી છે.

5 વાગે આદિવાસી જાતી પ્રમાણપત્રને લઇને બેઠકમાં ચર્ચા

ખોટા આદિવાસી પ્રમાણપત્રને લઈને ચાલી રહેલા આંદોલનને લઇ ગાંધીનગરમાં મંત્રી ગણપત વસાવાની આગેવાનીમાં બેઠક યોજાશે. ગાંધીનગર ખાતે આંદોલન કરી રહેલા 5 આદિવાસી આંદોલનકારીઓ ગણપત વાસાવને મળશે. આજે 5 વાગે આદિવાસી જાતી પ્રમાણપત્રને લઇને બેઠકમાં ચર્ચા કરાશે. મંત્રી ગણપત વસાવાને આંદોલન સમેટવાની જવાબદારી સોંપાઇ છે.