ગાંધીનગર / LRD પરીક્ષામાં અન્યાય મુદ્દે 55 દિવસથી મહિલા ઉમેદવારો ધરણાં પર, સરકાર ક્યારે સાંભળશે

• ગાંધીનગરમાં LRDની મહિલા પરીક્ષાર્થીઓનો મામલો
• 55 દિવસથી ઉપવાસ પર ઉતર્યા છે મહિલા ઉમેદવારો
• પોલીસ દ્વારા વાટાઘાટો માટે કરાયો પ્રયત્ન

ગાંધીનગરમાં LRDની મહિલા પરીક્ષાર્થીઓ 55 દિવસથી ઉપવાસ આંદોલન પર છે. ત્યારે હાલ પોલીસ દ્વારા વાટાઘાટો માટે પ્રયાસ કરાયો છે. 

શું આપી સૂચના

વાટાઘાટો માટે સરકારે પોલીસને સૂચના આપી છે. સમાજ વિગ્રહ ન થાય તે માટે રાજ્ય પોલીસને સરકાર દ્વારા સૂચના અપાઇ છે. અને સૂચનાના પગલે પોલીસ દ્વારા દસ્તાવેજોની માગ કરવામાં આવી છે. આ ઉપરાંત કેવી રીતે અનામતનો લાભ મળે તે ન્યાયિક પ્રક્રિયા માટે પણ આશ્વાસન આપ્યું છે.

55 દિવસે બહેરી સરકારને કાને વાત પડી

આખરે 55 દિવસથી ઉપવાસ અને આંદોલન ઉપર બેઠેલી મહિલાઓની વાત સરકાર સુધી પહોંચી ખરી. તેવું આ મહિલાઓ કહી રહી છે. અહીં ચૂપચાપ કડકડતી ઠંડીમાં મહિલાઓ કોઈ પણ પ્રકારના હો હલ્લા વગર ગાંધી ચિંધ્યા માર્ગે ધરણા કરી રહી છે. પરંતુ આ આંદોલનની ચિનગારી સરકાર સામે આગ બનીને ન ભભૂકે તે માટે હવે ગુજરાત સરકાર દ્વારા પોલીસને મધ્યસ્થી બનાવવાની તજવીજ હાથ ધરાઈ છે.