BIG NEWS / LRD ભરતી: શારીરિક પરીક્ષાના પરિણામને લઈ મહત્વની જાહેરાત, ફેબ્રુઆરીના અંતમાં રિઝલ્ટ માર્ચમાં લેખિતનું આયોજન

• LRDની ભરતીની શારીરિક પરીક્ષાનો મામલો
• ફેબ્રુઆરીના અંતમાં જાહેર થશે પરિણામ
• માર્ચના અંતમાં લેખિત પરીક્ષાનું થઇ શકે આયોજન

LRDની ભરતીની શારીરિક પરીક્ષાનો મામલે મહત્વની જાણકારી ઉમેદવારો માટે મળી રહી છે. લોકરક્ષક દળની શારીરિક પરીક્ષાનું પરિણામ ફેબ્રુઆરીના અંતમાં જાહેર થશે. હાલ ડેટા વેરિફિકેશન માટેનું કામ ચાલી રહ્યું છે. માર્ચના અંતમાં લેખિત પરીક્ષાનું આયોજન થઇ શકે છે.

હસમુખ પટેલે ટ્વિટ કરી આપી માહિતી
લોકરક્ષક ભરતીની શારીરીક કસોટીના ડેટા વેરિફિકેશનનું કામ ગઈકાલે શરૂ કરવામાં આવ્યું. પરિણામ જાહેર  કરવામાં લગભગ ત્રણેક અઠવાડિયા જેટલો સમય લાગશે તેવી માહિતી લોકરક્ષક દળના અધ્યક્ષ દ્વારા આપવામાં આવી છે.

કેટલા ઉમેદવાર શારીરિક કસોટીમાં પાસ થયા?
લોકરક્ષક શારીરિક કસોટીમાં 85000 જેટલા મહિલા તથા 220000 જેટલા પુરુષ ઉમેદવારો પાસ થયેલ છે. આમ 305000 જેટલા ઉમેદવારો સફળ થયા અને 393000 જેટલા ઉમેદવારો શારીરિક કસોટીમાં અસફળ રહ્યા છે.

લોકરક્ષક ભરતીની શારીરીક કસોટીના ડેટા વેરિફિકેશનનું કામ ગઈકાલે શરૂ કરવામાં આવ્યું. પરિણામ જાહેર કરવામાં લગભગ ત્રણેક અઠવાડિયા જેટલો સમય લાગશે.#LRDS #lrd_ભરતી

— Hasmukh Patel (@Hasmukhpatelips) February 1, 2022

LRDની પરીક્ષા ક્યારે આવી શકે?
લોક રક્ષક ભરતી બોર્ડનો તમામ અપડેટ આ  https://lrdgujarat2021.in પરથી જાણી શકાય છે. ભરતી બોર્ડના અધ્યક્ષના જણાવ્યા અનુસાર શારીરિક કસોટી સમય પત્રક મુજબ પૂર્ણ થઈ ગઈ છે. 13, 20 અથવા 27 માર્ચના લોકરક્ષક ભરતીની લેખિત પરીક્ષા લેવાનું આયોજન થઈ શકે છે. આ દિવસોમાં GPSC તથા ગૌણ સેવાની પરીક્ષા ના હોય તેવી તારીખ પસંદ કરવામાં આવશે. તે વખતની કોરોનાની સ્થિતિ પણ ધ્યાનમાં લેવામાં આવશે. તેવી જાહેરાત અગાઉ કરી દેવામાં આવી છે.લોકરક્ષક ભરતી બોર્ડના હેલ્પ લાઇન નં.9104654216,8401154217, 7041454218 પર મુંઝવણ હોય તો  સવારે 10:30 થી સાંજે 6.00 સુધી ફોન કરી વિગત પણ મેળવી શકાય છે.

આગામી 6 માર્ચના રોજ PSIની યોજાશે પરીક્ષા 
ગુજરાત PSI રીક્રુટમેન્ટ બોર્ડના ચેરમેન અને ડાયરેક્ટર જનરલ ઓફ પોલિસ, ટ્રેઈનિંગ (ગુજરાત રાજ્ય) વિકાસ સહાયે જાહેરાત કરી છે કે, પોલીસ સબ ઈન્સ્પેક્ટર (પીએસઆઈ) કેડરની શારીરિક કસોટીમાં ઉત્તીર્ણ થયેલા તમામ ઉમેદવારોની પ્રીલિમિનરી પરીક્ષાનું આયોજન આગામી 6 માર્ચ, 2022 ને રવિવારના રોજ કરવામાં આવેલ છે. 

PSIની ભરતીમાં દોડમાં 96 હજારથી વધુ ઉમેદવારો થયા છે પાસ
PSIની શારીરિક કસોટીમાં કુલ 96 હજાર 243 ઉમેદવારો ઉત્તીર્ણ થયા છે.જેમાં જનરલ કેટેગરીમાં 16 હજાર 951 ઉમેદવારો ઉત્તીર્ણ થયા છે.જ્યારે OBC કેટેગીરીમાં 51 હજાર 878 ઉમેદવારો, SC કેટેગરીમાં 9 હજાર 433 ઉમેદવારોએ શારીરિક કસોટી પાસ કરી છે.તો ST કેટેગરીમાં 18 હજાર 58 ઉમેદવારો ઉત્તીર્ણ થયા છે.PSI ભરતી બોર્ડની વેબસાઇટ પર પરીક્ષામાં મેળવેલ ગુણ સાથેનું પરિણામ મુકવામાં આવ્યું છે.ત્યારે જો ઉમેદવારના પરિણામમાં કોઇ ભૂલ હોય તો બોર્ડનો સંપર્ક કરી શકાશે.આપને જણાવી દઈએ કે, કુલ 1 હજાર 382 જગ્યાઓ માટે ભરતીની પ્રક્રિયા ચાલી રહી છે.જેમાં બિન અનામત માટે કુલ 615 જગ્યાઓ અને EWS કેટેગરી માટે કુલ 137 જગ્યાઓ પર ભરતીની પ્રક્રિયા હાથ ધરવામાં આવી છે.જ્યારે SEBC કેટેગરી માટે કુલ 357 જગ્યાઓ, SC કેટેગરી માટે કુલ 71 જગ્યાઓ અને ST કેટેગરી માટે કુલ 202 જગ્યાઓ પર ભરતી પ્રક્રિયા હાથ ધરાઈ છે.