આજે BAAS દ્વારા મહેસાણા બંધનું એલાન આપવામાં આવ્યુ છે ત્યારે મહેસાણામાં બંધના એલાનના મીશ્ર પ્રતિસાદ પડ્યા હતા. બાસ દ્વારા એલાનને સફળ બનાવવાના પ્રયાસ કરવામાં આવ્યા હતા અને આખરે બંધને આશિંક સફળતા પણ મળી હતી. જો કે, બાસે ગુજરાત સરકારને અનામત અંગે જલદી નિર્ણય લેવાની ચિમકી આપી છે નહીં તો ગુજરાત બંધનું એલાન આપવામાં આવશે.
બંધારણીય અધિકાર આંદોલન સમિતિ ( BAAS )નું નિવેદન
BAAS દ્વારા મહેસાણા બંધનું એલાન
ભાજપના કાર્યાલયે બાસના કાર્યકરોએ નારેબાજી કરીને વિરોધ વ્યક્ત કર્યો
LRD ભરતીમાં અનામતનો મુદ્દો વધુ ઘેરો બન્યો છે. આજે મહેસાણા બંધનું એલાન આપવામાં આવ્યું છે. બંધારણીય અધિકાર આંદોલન સમિતિ ( BAAS )દ્વારા બંધનું એલાન આપવામાં આવ્યુ છે. 1-8-2018નો ઠરાવ રદ્દ કરવાની અનામત વર્ગની માંગ છે. તેમજ મહિલા અનામતમાં મેરિટ લીસ્ટ મુદ્દે ગુંચવણ છે. સરકારે આપેલા સમયમાં ઠરાવમાં સુધારો કર્યો નથી. આ ઠરાવમાં સુધારો ન થતા BAASએ આક્રમક વલણ અપનાવ્યું છે. આ ઉપરાંત ઠરાવની વિરુદ્વમાં 67 દિવસથી મહિલાઓ આંદોલન કરી રહી છે.
BAAS દ્વારા મહેસાણા બંધનું એલાન
8 કિલોમીટર ચાલી BAASએ મહેસાણા બંધ કરાવ્યું છે. સરકારના પરિપત્રના વિરોધમાં બંધ પળાવવામાં આવ્યું છે. ત્યારે આ બંધના એલાનને જબરજસ્તી સફળ બનાવવાનો પ્રયાસ કરવામાં આવ્યો હતો. એટલુ જ નહીં પરંતુ ધમકી પણ આપવામાં આવી છે કે, જો હજુ સરકાર કોઈ નિર્ણય નહીં લે તો પાંચ દિવસમાં ગુજરાત બંધનું એલાન આપવામાં આવશે.
બંધારણીય અધિકાર આંદોલન સમિતિ ( BAAS )નું નિવેદન
આ લડત બહેનોની છે અમારી પોતાની નથી. આજે મહેસાણા બંધ કરાવ્યું આગામી સમયે ગુજરાત બંધ પાળીશું. આજે મહેસાણા ભાજપની ઓફીસ બંધ કરવામાં આવી. સરકાર નિર્ણય નહીં લે તો સ્વર્ણિમ સંકુલ બંધ કરાવીશું. સરકારમાં ખુરશી ની ખેંચતાણ ચાલી રહી છે. સરકાર વર્ગ વિગ્રહ કરાવવા પ્રયાસ કરી રહી છે. સરકારે હજીસુધી મંત્રણા માટે બોલાવ્યા જ નથી.
ભાજપના કાર્યાલયે બાસના કાર્યકરોએ નારેબાજી કરીને વિરોધ વ્યક્ત કર્યો
અનામત આંદોલનના વિવાદને લઈને આજે મહેસાણામાં બંધનું એલાન આપવામાં આવ્યું છે. ત્યારે હવે બાસના કાર્યકરોએ જબરદસ્તી દુકાનો બંધ કરાવી હતી. બજાર બંધ કરાવીને ટોળું ભાજપના કાર્યાલયે પહોંચ્યું હતુ. ભાજપના કાર્યાલયે બાસના કાર્યકરોએ નારેબાજી કરીને વિરોધ વ્યક્ત કર્યો હતો. આ દરમિયાન કાર્યાલયનો મુખ્ય પ્રવેશ દ્વાર બંધ કરાયો હતો.
હાલ અનામત મુદ્દે ફરી આંદોલન સક્રિય થઇ રહ્યાં છે ત્યારે આંદોલનનું એપીસેન્ટર કહેવાતા મહેસાણાથી 1 ઓગસ્ટ 2018નો ઠરાવ હટવાવના ઉગ્ર આંદોલનની શરૂઆત મહેસાણાથી થશે.
નોંધનિય છે કે PAASએ અહી મહેસાણાથી જ અનામત આંદોલનનું બ્યુગલ ફૂક્યું હતુ. અગાઉ પાટીદાર આંદોલનનું કેન્દ્ર પણ મહેસાણા જ હતું. આથી મહેસાણાએ આંદોલનનું એપી સેન્ટર કરી શકાય. અલ્પેશ ઠાકરે પણ પહેલી બેઠક અહીં જ કરી હતી. નોંધનિય છે કે નાયબ મુખ્યમંત્રી નિતીન પટેલનો મત વિસ્તાર મહેસાણા છે.
મહેસાણામાં બંધના એલાનના મામલે બાસના કાર્યકરોની દાદાગીરી સામે આવી છે. બાસના કાર્યકરોએ મહેસાણામાં જબરદસ્તી બજારો બંધ કરાવી હતી. તો મેડીકલ સ્ટોર પણ બળજબરીથી બંધ કરાવ્યા હતા. પોલીસની હાજરીમાં દુકાનો બંધ કરાવી હતી.