લોકરક્ષક દળ અને સબ ઈન્સપેક્ટરની પરીક્ષાની તૈયારી કરતા ઉમેદવારો માટે મહત્વની સૂચના છે. લોકરક્ષક ભરતી બોર્ડના પ્રમુખ IPS હસમુખ પટેલે ટ્વિટ કરીને જણાવ્યુ કે ઉમેદવારે એક જ વાર શારીરિક કસોટી આપવાની છે.
LRD પરીક્ષાને લઇ મહત્વની સૂચના
ઉમેદવારે એક જ વાર શારીરિક કસોટી આપવાની છે
બીજીવાર શારીરિક કસોટી આપવાનો પ્રત્યન કરનાર સામે પગલા
LRD પરીક્ષાને લઇ IPS હસમુખ પટેલે ટ્વીટ કરીને લખ્યું છે કે, ઉમેદવારો કોલ-લેટરમાં આપેલી સૂચનાઓ બરાબર વાંચી લે. ઉમેદવારે એક જ વાર શારીરિક કસોટી આપવાની છે. બીજી વાર શારીરિક કસોટી આપવાનો પ્રયત્ન કરનાર ઉમેદવાર હાલની તથા સરકારની ભવિષ્યની ભરતી માટે ગેરલાયક ઠરશે. બીજીવાર શારીરિક કસોટી આપવાનો પ્રત્યન કરનાર સામે પગલા લેવાશે. તો અન્ય એક ટ્વિટમાં તેમણે લખ્યું કે, તારીખ બદલવાની અરજી કરનાર ઉમેદવારે તેના સમર્થનમાં દસ્તાવેજી પુરાવા રજુ કરવાના રહે છે. પુરાવા વિનાની અરજી નામંજુર કરવામાં આવે છે.
ઉમેદવારો કોલ-લેટરમાં આપેલી સૂચનાઓ બરાબર વાંચી લે. ઉમેદવારે એક જ વાર શારીરિક કસોટી આપવાની છે. બીજી વાર શારીરિક કસોટી આપવાનો પ્રયત્ન કરનાર ઉમેદવાર હાલની તથા સરકારની ભવિષ્યની ભરતી માટે ગેરલાયક ઠરશે.#LRD_ભરતી#LRD#LRDP
અત્રે ઉલ્લેખનીય છે કે, અગાઉ કોલ લેટરમાં છેડછાડ થયાની ઘટના બની ચૂકી છે. સુરેન્દ્રનગરમાં પોલીસ ભરતી પ્રક્રિયામાં જવાહર ગ્રાઉન્ડ ખાતે પી.એસ.આઇ.ની શારીરિક કસોટીના નકલી કોલ લેટર બનાવાના કૌભાંડનો પર્દાફાશ થયો હતો. કોલ લેટર સાથે છેડછાડ કરનાર રાજકોટ અને બોટાદના બે કોન્સ્ટેબલ સહિત પાંચ ઉમેદવારોની પોલીસે ધરપકડ કરી છે. એક ઉમેદવાર ઓરિજનલ કોલ લેટરમાં સહિ સિક્કા કરાવવા જતાં બોગસ કોલ લેટરનું કૌભાંડ બહાર આવ્યું હતું. પોલીસે પાંચેય ઉમેદવારો સામે ગુનો નોંધીને કાર્યવાહી ચાલી રહી છે. આ તમામ ઉમેદવારોના કોલ લેટરમાં મેદાન ઉપર હાજર થવાનો સમય 8 વાગ્યાનો હતો. પણ સવારમાં સુર્યોદય પહેલા વધુ ઝડપથી દોડી શકાય અને વધુ ગુણ મેળવી શકાય તે માટે તેમણે કોલ લેટરમાં છેડછાડ કરીને સમય છ વાગ્યાનો કરી ડુપ્લીકેટ કોલ લેટર સાથે આવ્યા હતા.