#BigNews: ગુજરાતમાંથી નહીં દિલ્હીથી લીક થયું હતું LRDનું પેપર: SP મયુર ચાવડા

ગાંધીનગરઃ લોકરક્ષક દળની પરીક્ષાના પેપરલીક કાંડના છેડા દિલ્હી સુધી હોવાનું સામે આવી રહ્યું છે. આ મામલે 4 આરોપીઓની ધરપકડ કરીને તેમને દિલ્હી લઇ જવામાં આવી રહ્યા છે. ત્યારે પોલીસ દ્વારા આ મામલે તપાસનો ધમધમાટ ચાલી રહ્યો છે. 

ચારેય યુવકોએ પેપર ખરીદ્યા હતા
LRD પેપર લીક મામલે વધુ 4 આરોપીની ધરપકડ કરવામાં આવી છે. પોલીસે વધુ 4 આરોપીની ધરપકડ કરી છે. પ્રિતેશ પટેલ નરેન્દ્ર ચૌધરીની અજયસિંહ પરમાર ઉત્તમસિંહ ભાટી નામના શખ્સને ઝડપી પાડવામાં આવ્યા છે. આ તમામ શખ્સોએ પેપર ખરીદ્યા હતા. હાલ પોલીસે 4 વ્યક્તિઓને ઝડપી પાડ્યા છે.

પેપર લીક મુદ્દે ગાંધીનગર SPની પ્રેસ કોન્ફરન્સ
પેપર લીક મુદ્દે ગાંધીનગર SP મયુર ચાવડાએ પ્રેસ કોન્ફરન્સ યોજી હતી. તેમણે કહ્યું કે વધુ 4 આરોપીની ધરપકડ કરાઇ છે. આ પેપર ગુજરાતમાંથી નહીં દિલ્હી અને ગુડગાવથી પેપર લીક થયું હતું. 4 આરોપીઓ વિરુદ્ધ પુરાવા છે. યશપાલસિંહ સોલંકી મુખ્ય સૂત્રધાર છે. આ મામલામાં ઘણા લોકો સામેલ છે. દિલ્હીની એક ગેગની સંડોવણી ખુલી છે. દિલ્હીથી પેપર લીક કરી રહ્યા છે. દિલ્હીની ચાર ગાડીઓમાં વિધાર્થીઓને લઈ જવાયા છે. દિલ્હીમાં 5 ગ્રુપમાં અલગ લઈ જવાયા છે.



ગુજરાત પોલીસને ભરતી બોર્ડનું પેપર અને આન્સર સીટ મળી છે. આરોપીઓ પેપર વાંચીને આન્સર સીટ લખવાનો સમય આપે છે. 30 તારીખે નીકળે છે અને પરત આવે છે. યશપાલસિંહ સોલંકી ઉમેદવાર હતો. પ્રશ્નો સાચા પડે છે તો એકાઉન્ટમાં પૈસા આપવાના હતા. રૂપલ શર્મા મુકેશ અને પી.વી.પટેલને પેપર મળ્યું હતું.