ફરી સોશિયલ મીડિયામાં આંદોલનના ભણકારા વાગી રહ્યાં છે. ટવીટર પર હેશટેગ #LRD_MALE ટ્રેન્ડિંગમાં છે. મહત્વનું છે કે થોડા દિવસો અગાઉ જ LRD મહિલા ભરતી પ્રક્રિયામાં નિમણૂકને લઇને જાહેરાત કરવામાં આવી હતી.
ટ્વિટર પર હેસટેગ #LRD_MALE ટ્રેન્ડિંગમાં
ગુજરાતમાં #LRD_MALE થઇ રહ્યું છે ટ્રેન્ડ
પરીક્ષાર્થીઓ પરિણામની કરી રહ્યાં છે માગ
ફરી સોશિયલ મીડિયામાં આંદોલનનું ભુત ધુણ્યુ છે. ગુજરાતમાં #LRD_MALE ટ્રેન્ડ થઇ રહ્યું છે. પરીક્ષાર્થીઓ પરિણામની માંગ કરી રહ્યાં છે. પુરૂષ ઉમેદવારોને 67/33ના રેશિયા મુજબ ઓર્ડરની માંગ કરવામાં આવી છે. તેવામાં ટ્વિટર પર #LRD_MALE ટ્રેન્ડ થઇ રહ્યું છે.
મહત્વનું છે કે, ઉમેદવારો દ્વારા ટ્વિટ કરીને માંગ કરવામાં આવી રહી છે કે LRD Male ભરતી પ્રક્રિયામાં જે રીતે મહિલાઓની જગ્યા વધારવામાં આવી તે રીતે પુરૂષની જગ્યામાં પણ વધારો કરવામાં આવે.
LRD મહિલા ભરતી પ્રક્રીયામાં નિમણૂકો શરૂ
મહત્વનું છે કે, LRD મહિલા ભરતી પ્રક્રીયામાં નિમણૂકો શરૂ થશે. પરીક્ષા પાસ કરેલી વ્યક્તિને નિમણુક પત્ર અપાશે. DGPએ આ મહિલાએ 15 જુલાઇ સુધી ફરજ પર હાજર રહેવાના આદેશ આપ્યાં છે. લાંબા સમયથી 2 હજાર મહિલાઓ નિમણુક પત્રની રાહ જોતી હતી. ભરતીમાં પસંદગી પામ્યા બાદ પણ નિમણુકમાં વિલંબ થતાં મહિલાઓ રોષે ભરાઇ હતી અને આંદોલનની ચીમકી આપી હતી. લાંબા વિલંબ બાદ DGPએ આ મહિલાએ 15 જુલાઇ સુધી ફરજ પર હાજર રહેવાના આદેશ આપ્યાં છે. ત્યારે હવે LRD પુરૂષો દ્વારા હવે આંદોલનની શરૂઆત સોશિયલ મીડિયાથી કરી દેવામાં આવી છે.