તમારા કામનું / તમારા એકાઉન્ટમાં LPG સબસિડીની રકમ જમા થી કે નહીં ? આ રીતે ઘરે બેઠા મિનિટોમાં કરો ચેક

• આ રીતે જાણો બેન્ક ખાતામાં પૈસા આવ્યા કે નહીં 
• આ રીતે ખબર પડશે જાણો કેટલી રકમ ટ્રાન્સફર થઈ 
• જાણો સ્ટેપ બાય સ્ટેપ પ્રોસેસ 

મોટાભાગના ગ્રાહકોના એકાઉન્ટમાં ગેસ સબસિડીના પૈસા સરળતાથી આવે છે, પરંતુ ઘણા ગ્રાહકો એવા છે જેમના પૈસા તેમના એકાઉન્ટમાં સરળતાથી આવતા નથી. પૈસા આવે તો પણ તે કયા ખાતામાં આવ્યા, કેટલા આવ્યા અને ક્યારે આવ્યા તેની ખબર હોતી નથી. આ જાણવાની એક ખૂબ જ સરળ રીત છે. ઘરે બેઠા તમે સરળતાથી ચકાસી શકો છો કે પૈસા આવે છે કે નહીં અને જો તે આવે છે, તો કેટલી રકમ ટ્રાન્સફર કરવામાં આવી હતી.

ચેક કરવા માટે આ સ્ટેપ્સ કરો ફોલો
આ માટે, પહેલા ગૂગલ બ્રાઉઝર પર જાઓ અને ત્યાં mylpg લખો. આ સાથે My LPG.in ની નવી વિન્ડો ખુલશે. તમારે તેના પર ક્લિક કરવાનું રહેશે, ત્યારબાદ PAHAL નામનું પેજ ખુલશે. આ સરકારી વેબસાઇટ છે જેના પર તમે ઇંડેન, ભારત ગેસ અને HPની સબસિડી ચકાસી શકો છો. પેજ પર તમને ત્રણ કંપનીઓના સિલિન્ડર દેખાશે. તમારે જે કંપનીનું સિલિન્ડર છે તેના પર તમારે ક્લિક કરવાનું રહેશે. ધારો કે તમારું સિલિન્ડર ઇંડેનનું છે તો તમારે સિલિન્ડર પર ક્લિક કરવાનું રહેશે. ક્લિક કરવા પર, મારા indane.in ના નામે એક નવું પેજ ખુલશે.

તેમાં   Give Your Feedback Online જોવા મળશે જેના પર તમારે ક્લિક કરવાનું રહેશે.   એક નવું પેજ ખુલશે જ્યાં તમને LPG લખેલું દેખાશે તેની સાથે સિલિન્ડર બંનેલું દેખાશે તેને સિલેકટ કરવાનું રહેશે. ત્યારબાદ એક નવું બોક્સ ખુલશે જેમાં Complain Details લખેલું હશે. તેની નીચે એક ચોરસ બોક્સ બનેલું હશે જેમાં તમારે LPG Subsidy લખવી પડશે. ત્યારબાદ Proceed ના વિકલ્પ પર ક્લિક કરો. ત્યાર બાદ તમારી સામે એક નવું મેનૂ દેખાશે જેમાં Select Category અને Sub Category લખેલી હશે. તેની નીચે એક કેટેગરી જોવા મળશે જેમાં Subsidy Related (PAHAL) લખેલું હશે. આ ઓપ્શન પર ક્લિક કરો, ત્યારબાદ Sub Category દેખાશે.

Sub Category માં ટોચ પર લખેલું હોય છે કે Subsidy Not Received એટલે સબસિડી નથી મળી. તમારે તેના પર ક્લિક કરવાનું રહેશે. ત્યારબાદ તમારી સામે ઇન્ડિયન ઓઇલનું પેજ ખુલશે, જેમાં Subsidy Check નો ઓપ્શન ઉપલબ્ધ હોય છે. તેમાં મોબાઇલ નંબર દાખલ કરવો પડશે અથવા LPG આઈડી દાખલ કરવી પડશે. માત્ર ગેસ એજન્સી સાથે રજીસ્ટર થયેલ મોબાઇલ નંબર દાખલ કરવાનું રહેશે. કેપ્ચા સેકશન પર ક્લિક કરીને I am not robot નું બોક્સ ચેક કરો. ત્યારબાદ Submit બટન દબાવો.     Submit બટન દબાવવા પર, તમારી સામે એક શીટ ખુલશે જેમાં Cylinder Book અને રિફિલ વિશે સંપૂર્ણ માહિતી ઉપલબ્ધ થશે.

તમે કઈ તારીખે સિલિન્ડર બુક કરાવ્યું છે, કેટલી રકમ ચૂકવી અને કઈ તારીખે ડિલીવરી થઈ છે તેની માહિતી તમને મળશે. તમે કેશ મેમો પણ જોઈ શકો છો અને આ સાથે સબસિડીની રકમ પણ દેખાય છે. બેંક ખાતામાં કેટલી રકમ ટ્રાન્સફર કરવામાં આવી હતી, તે કઈ તારીખે કરવામાં આવી હતી તેની તમામ માહિતી તમને મળે છે. તેમાં એ પણ લખ્યું છે કે સબસિડીના પૈસા કયા બેંક ખાતામાં ટ્રાન્સફર કરવામાં આવ્યા છે. બેંક એકાઉન્ટના છેલ્લા 4 અંકો પણ દર્શાવવામાં આવે છે. ઘણી વાર એવું પણ બને છે કે સરકાર તરફથી પૈસા મોકલવામાં આવે છે, પરંતુ એકાઉન્ટમાં આવતા નથી, તો પછી તેની વિગતો બેંક એકાઉન્ટ નંબરમાં દેખાશે નહીં. એકાઉન્ટમાં પૈસા જમા થતા જ ખાતા નંબરની વિગતો બતાવવામાં આવશે.