LPG પર સબસિડી લેનારા ગ્રાહકો માટે અગત્યના સમાચાર છે. ઉજ્જવલા સ્કીમ હેઠળ ફ્રી LPG ગેસ કનેક્શન પર મળતી સબસિડીમાં મોટા ફેરફારની શક્યતા છે. તેથી જો તમે પણ ઉજ્જવલા સ્કીમ હેઠળ ફ્રી LPG કનેક્શન લેવાની યોજના બનાવી રહ્યાં છો તો પહેલા આ સમાચાર ધ્યાનથી વાંચી લો.
LPG પર સબસિડી લેનારા ગ્રાહકો માટે મહત્વના સમાચાર
LPG ગેસ કનેક્શન પર મળતી સબસિડીમાં મોટા ફેરફારની શક્યતા
પેટ્રોલિયમ મંત્રાલયે બે નવા માળખા પર કામ શરૂ કર્યુ
LPG કનેક્શન પર બદલાશે સબસિડી સ્ટ્રક્ચર?
રિપોર્ટ મુજબ, આ સ્કીમ હેઠળ નવા કનેક્શન માટે સબસિડીના વર્તમાન સ્ટ્રક્ચરમાં ફેરફાર થઇ શકે છે. જણાવાઈ રહ્યું છે કે પેટ્રોલિયમ મંત્રાલયે બે નવા માળખા પર કામ શરૂ કરી દીધુ છે અને તેને ટૂંક સમયમાં જાહેર કરાશે. મહત્વનું છે કે નાણાં પ્રધાન નિર્મલા સીતારમણે બજેટમાં એક કરોડ નવા કનેક્શન આપવાની જાહેરાત કરી હતી. પરંતુ હવે સરકાર OMCs તરફથી એડવાન્સ પેમેન્ટ મૉડલમાં ફેરફાર કરી શકે છે. જણાવાઈ રહ્યું છે કે 1600 રૂપિયાનું એડવાન્સ પેમેન્ટ કંપની એકસાથે વસૂલશે. અત્યારે OMCs એડવાન્સ રકમ EMIના રૂપમાં વસૂલે છે, જ્યારે આ મામલાની જાણકારી રાખનારા નિષ્ણાંતો મુજબ સ્કીમમાં બાકી 1600ની સબસિડી સરકાર આપતી રહેશે.
સરકાર આપે છે ફ્રી LPG સિલિન્ડર
સરકારની Ujjwala scheme માં ગ્રાહકોને 14.2 કિલોનું સિલિન્ડર અને સ્ટવ આપવામાં આવે છે. જેનો ખર્ચ લગભગ 3200 રૂપિયા હોય છે અને તેના પર સરકાર તરફથી 1600 રૂપિયાની સબસિડી મળે છે. જ્યારે 1600 રૂપિયા ઓઈલ માર્કેટીંગ કંપનીઓ એડવાન્સ રૂપમાં આપે છે. જો કે, OMCs રીફિલ કરાવવાથી સબસિડીની રકમ EMI તરીકે વસૂલાય છે.
આ રીતે કરાવો Ujjwala schemeમાં રજીસ્ટ્રેશન
Ujjwala scheme માટે રજીસ્ટ્રેશન કરાવવુ ખૂબ સરળ છે.
ઉજ્જવલા યોજના હેઠળ, ગેસ કનેક્શન લેવા માટે BPL પરિવારની કોઈ પણ મહિલા એપ્લાય કરી શકે છે.
આ યોજનાની સમગ્ર માહિતી તમને સત્તાવાર વેબસાઈટ pmujjwalayojana.com પર પણ મળશે.
રજીસ્ટ્રેશન કરાવવા માટે તમારે સૌથી પહેલા એક ફોર્મ ભરી નજીકના LPG ડીસ્ટ્રીબ્યુટરને આપવો પડશે.
આ ફોર્મમાં જે મહિલાએ એપ્લાય કર્યુ છે તેનું આખુ એડ્રેસ, જનધન બેન્ક એકાઉન્ટ અને પરિવારના દરેક સભ્યોને આધાર નંબર પણ આપવો પડશે.
બાદમાં આ પ્રોસેસ કર્યા બાદ દેશની ઓઈલ માર્કેટીંગ કંપનીઓ યોગ્ય લાભાર્થીને LPG કનેક્શન જાહેર કરે છે.
જો કોઈ ગ્રાહક EMIનો વિકલ્પ પસંદ કરે છે તો EMIની રકમ સિલિન્ડર પર મળતી સબસિડીમાં એડજસ્ટ કરાય છે.