કોરોના મહામારી વખતે તમામ ગ્રાહકને એ ફરિયાદ હોય છે કે LPG સબસિડી નથી મળી રહી. અમે તમને જણાવી દઈએ કે સરકારે ફરી તે શરૂ કરી દીધી છે.
ગ્રાહકો માટે ખુશખબર
સરકાર આપી રહી છે ગેસની સબસિડી
ખાતામાં આવી કે નહીં આ રીતે કરો ચેક
ગ્રાહકો માટે ખુશખબર છે. સરકારે ફરી એક વખત LPG સબસિડી એટલે કે રાંધણ ગેસની સબસિડી હવે ગ્રાહકોના ખાતામાં મોકલવાનું શરૂ કરી દીધુ છે. ઘણા ગ્રાહકોને ખાતામાં સબસિડી ન મળવાની ફરીયાદો મળી રહી હતી. હવે ફરી વખત સબસિડી શરૂ થયા બાદ ફરિયાદ આવવાની બંધ થઈ ગઈ છે.
સબસિડી પર કન્ફ્યુઝન
હાલ LPG ગ્રાહકોને 79.26 રૂપિયા પ્રતિ સિલિન્ડર સબસિડીના રૂપમાં આપવામાં આવી રહી છે. પરંતુ, લોકો પાસેથી જાણકારી મળી છે કે ગ્રાહકોને અલગ અલગ સબસિડી મળી રહી છે. એવામાં લોકો કન્ફ્યુઝનમાં છે કે આખરે તેમને કેટલી સબસિડી મળવાની છે. હકીકતે ઘણા લોકોને 79.26 રૂપિયાની સબસિડી મળી રહી છે તો ઘણા લોકોને 158.52 રૂપિયા અથવા 237.78 રૂપિયાની સબસિડી મળી રહી છે. તમારા ખાતામાં સબસિડી આવી છે કે નહીં તેને તમે સરળ પ્રક્રિયાથી ચેક કરી શકો છો.
આ રીતે ચેક કરો ઘર બેઠા અપડેટ
તમે ઘરે બેઠા સરળતાથી પોતાના ખાતામાં સબસિડી ચેક કરી શકો છો. તમે સરળ સ્ટેપ ફોલો કરીને સરળતાથી મિનિટોમાં જાણકારી મેળવી શકો છો કે તમારા ખાતામાં ગેસ સબસિડી આવી છે કે નહીં.
www.mylpg.inની વેબસાઈટ ખોલો.
સ્ક્રીનની ડાબી બાજુ ગેસ કંપનીઓના ગેસ સિલિન્ડરના ફોટો જોવા મળશે.
પોતાના સર્વિસ પ્રોવાઈડરના ગેસ સિલિન્ડરનો ફોટો ક્લિક કરો.
સ્ક્રીન પર ગેસ સર્વિસ પ્રોવાઈડરની એક નવી વિંડો ઓપન થશે.
ઉપર ડાબી બાજુ સાઈન ઈન અને ન્યુ યુઝરનું ઓપ્શન ટેપ કરો.
પહેલાથી અહીં આઈડી બનાવેલું છે તો સાઈન-ઈન કરો. જો નહીં તો તમે ન્યુ યુઝર પર ટેપ કરી વેબસાઈટ પર લોગઈન કરો.
જે વિંડો ઓપન થશે તેમાં ડાબી બાજુ સિલિન્ડર બુકિંગ હિસ્ટ્રી પર ટેપ કરો.
તમને જાણકારી મળશે કે કોઈ સિલિન્ડર પર કેટલી સબસિડી ક્યારે ક્યારે આપવામાં આવી છે.
સાથે જ જો તમે ગેસ બુક કર્યો છે અને તમારી સબસિડીના પૈસા નહીં મળે તો તમે ફીડબેક વાળા બટન પર ક્લિક કરો.
સબસિડીના પૈસા ન મળવા પર ફરિયાદ નોંધાવી શકો છો.
તમે 18002333555 ટોલ ફ્રી નંબર પર કોલ કરી ફરિયાદ નોંધાવી શકો છો.