નવી દિલ્હી: સબ્સિડી વાળા રસોઇ ગેસ સિલેન્ડરના ભાવ મંગળવારે 1.76 રૂપિયા વધી ગયો છે. દિલ્હીમાં મંગળવારે મધ્યરાતથી એની કિંમત 498.02 રૂપિયા પ્રતિ સિલેન્ડર હશે. ઇન્ડિયન ઓઇલ કોર્પોરેશનને એક નિવેદન આપીને આ ભાવ વધારાની જાહેરાત કરી. આધાર મૂલ્યમાં ફેરફાર અને એની પર ટેક્સ પ્રભાવથી ભાવમાં વધારો થયો છે. ઉલ્લેખનીય છે કે રસોઇ ગેસની સરેરાશ આંતરરાષ્ટ્રીય બેંચમાર્ક ભાવ અને વિદેશી મુદ્રા વિનિમય ભાવના અનુરૂપ એલપીજી સિલેન્ડરના ભાવ નક્કી થાય છે જેના આધાર પર સબ્સિડી રકમમાં દર મહિને ફેરફાર થાય છે.
એવામાં જ્યારે આંતરરાષ્ટ્રીય કિંમત વધે છે તો સરકાર વધારે સબ્સિડી આપે છે. પરંતુ ટેક્સ નિયમો અનુસાર રસોઇ ગેસ પર GSTની ગણતરી ઇંધણના માર્કે મૂલ્ય પર જ નક્કી કરવામાં આવે છે. એવામાં સરકાર ઇંધણની કિંમતના એક ભાગને તો સબ્સિડી તરીકે આપી શકે છે પરંતુ ટેક્સની ચુકવણી માર્કેટ ભાવ પર કરવાની હોય છે. એના કારણે રસોઇ ગેસ પર ટેક્સ ગણતરીનો પ્રભાવ પડી રહ્યો છે જેના કારણે ભાવ વધારો થયો છે. દિલ્હીમાં આજ મધ્યરાતથી સબ્સિડી વાળા રસોઇ ગેસ સિલિન્ડરનો ભાવ 498.02 રૂપિયા થઇ જશે જે હાલમાં 496.26 રૂપિયા પ્રતિ સિલેન્ડર છે.
નોંધનીય છે કે દરેક ગ્રાહકોને બજાર કિંમનત પર જ રસોઇ ગેસ સિલેન્ડર ખરીદવો પડે છે. જો કે સરકાર વર્ષ દરમિયાન 14.2 કિલોગ્રામના 12 સિલેન્ડરો પર સબ્સિડી આપે છે. જેમાં સબ્સિડીની રકમ સીધી ગ્રાહકોના બેંક ખાતામાં પહોંચી જાય છે. આ પહેલા રસોઇ ગેસ એક જુલાઇની આસપાસ પોણા ત્રણ રૂપિયા મોંઘો થઇ ગયો હતો. તેલ કંપનીઓ દર મહિનાની પહેલી તારીખે રસોઇ ગેસની આધાર કિંમતમાં ફેરફાર કરે છે. વૈશ્વિક કિંમતોમાં વધારાની અસર સબ્સિડી વાળા રસોઇ ગેસ સિલેન્ડર પર પણ પડી છે. દિલ્હીમાં એની કિંમત 35.50 રૂપિયા પ્રતિ સિલેન્ડર વધીને 789.50 રૂપિયા પ્રતિ સિલેન્ડર થઇ ગઇ છે. જુલાઇમાં એની કિંમતમાં 55.50 રૂપિયા પ્રતિ સિલેન્ડરમાં વધારો થયો હતો.