ભાવ વધારો / LPG ગ્રાહકોને મોટો ઝટકો! એપ્રિલ 2022થી ડબલ થઈ શકે છે રાંધણ ગેસની કિંમત

• સામાન્ય માણસને વધુ એક ઝટકો 
• વધી શકે છે રાંધણ ગેસના ભાવ 
• જાણો ક્યારે અને કેટલી વધશે કિંમત 

વધતી મોંઘવારીની વચ્ચે ફરી એક વખત સામાન્ય માણસને ઝટકો લાગી શકે છે. પેટ્રોલ અને ડીઝલ બાદ હવે રસોઈ ગેસ પણ ઉપભોક્તાઓનું ખુસ્સુ ખાલી કરી શકે છે. એપ્રિલથી ભોજન બનાવવું વધુ મોંઘુ થઈ શકે છે. દુનિયાભરમાં ગેસની ભારે અછત થઈ છે અને એપ્રિલથી તેની અસર ભારત પર પણ પડતી જોવા મળી શકે છે જેનાથી અહીં પણ ગેસની કિંમતો બેઘણી વધી શકે છે. 

વૈશ્વિક સ્તર પર ગેસની સમસ્યા
વૈશ્વિક સ્તર પર ગેસની સમસ્યા થવાથી CNG, PNG અને વીજળીની કિંમતો વધી જશે. તેની સાથે જ વાહન ચલાવવાની સાથે ફેક્ટરિઓમાં ઉત્પાદનનો ખર્ચ પણ વધી શકે છે. સરકારના ફર્ટિલાઈઝર સબ્સિડી બિલમાં પણ વધારો થઈ શકે છે કુલ મળીને આ બધીની અસર સામાન્ય ગ્રાહકો પર જ પડવાની છે. 

માંગ અનુસાર આપૂર્તિ નહીં
રશિયા, યુરોપને ગેસ સપ્લાય કરવાનો એક મોટો સ્ત્રોત છે. એટલે કે યુક્રેન સંકટના કારણે તેના પર અસર પડી શકે છે. વૈશ્વિક અર્થવ્યનસ્થા કોરોના મહામારીના પ્રકોપથી બરા જરૂર નિકળી રહી છે. પરંતુ દુનિયાભરમાં ઉર્જાની વધતી માંગના કારણે તેની આપૂર્તિમાં કમી આવી શકે છે. આ કારણ છે કે ગેસની કિંમતોમાં ઘટાડો ઝડપથી આવી જાય છે. 

ઘરેલુ કિંમતોમાં ફેરફાર બાદ જોવા મળશે અસર 
યુક્રેન સંકટના કારણે જંગની સ્થિતિ બનતી જોવા મળી રહી છે જેની અસર ચારે બાજુ જોવા મળી રહી છે અને હવે ગેસ પર પણ અસર પડી શકે છે. વૈશ્વિક સ્તરે ગેસની કમીની અસર એપ્રિલથી જોવા મળશે, જ્યારે સરકાર નેચુરલ ગેસની ઘરેલુ કિંમતોમાં ફેરફાર કરશે. એક્સપર્ટ્સ અનુસાર, 2.9 ડોલર પ્રતિ એમએમબીટીયુથી વધીને 6થી 7 ડોલર કરવામાં આવી શકે છે. 

રિલાયન્સ ઈન્ડસ્ટ્રીઝ અનુસાર, ઉંડા સમુદ્રમાંથી નિકળતા ગેસની કિંમત 6.13 ડોલરથી વધીને લગભગ 10 ડોલર થઈ જશે. કંપની આવતા મહિને અમુક ગેસની નીલામી કરશે. તેના માટે તેણે ફ્લોર પ્રાઈઝને ક્રૂડ ઓઈલથી જોડ્યું છે. જે હાલ 14 ડોલર પ્રતિ એમએમબીટીયુ છે.