મોંઘવારી / આમ આદમીનું બજેટ ખોરવાશે, પેટ્રોલ-ડીઝલ બાદ હવે ગેસ સિલિન્ડરના ભાવમાં તોતિંગ વધારો

ગેસનો ભાવ એક ઝાટકે 73.5 રૂપિયા વધી ગયો
જાણો કયા રાજ્યમાં કેટલો થયો ભાવ  
સિલિન્ડરને રિફિલ કરાવવાની યોજના ટૂંક જ સમયમાં આવશે

ગેસનો ભાવ એક ઝાટકે 73.5 રૂપિયા વધી ગયો
ઓગસ્ટ મહિનાના પહેલા દિવસે જ લોકોને મોંઘવારીનો એક જોરદાર ઝટકો આપ્યો છે. મુખ્યરૂપે સરકારી તેલ કંપનીએ એક ઓગસ્ટના રોજ LPG ગેસના સિલિન્ડરના ભાવમાં 73.5 રૂપિયા વધી ગયા છે. દિલ્હીમાં 19 કિલો ગ્રામ કોમર્શિયલ ગેસ સિલિન્ડરનો ભાવ 1,500 રૂપિયા વધારીને 1623 રૂપિયા થઈ ગયો છે. ચેન્નઈમાં 73.50 રૂપિયા વધીને 1761 રૂપિયા પ્રતિ સિલિન્ડર થયો છે. દિલ્હીમાં 19 કિલો કોમર્શિયલ ગેસની કિંમત 73 રૂપિયા વધીને 1623 રૂપિયા થઈ છે. કોલકાતામાં કોમર્શિયલ ગેસ સિલિન્ડરની કિંમત 72.50 રૂપિયા વધીને 1629 રૂપિયા, મુંબઈમાં 72.50 રૂપિયા વધીને 1579.50 રૂપિયા પ્રતિ સિલિન્ડર થઈ ગઈ છે.

જાણો કયા રાજ્યમાં કેટલો થયો ભાવ 
જો મુખ્ય વાત કરીએ તો સામન્ય પ્રજા એટલે કે ઘરમાં વપરાતા  14.2 કિલો બિન સબસિડીવાળા એલપીજી સિલિન્ડરની કિંમતોમાં વધારો કર્યો નથી. તેની કિંમતમાં કોઈ ફેરફાર કરવામાં આવ્યો નથી. દિલ્હીમાં 14.2 કિલો બિન સબસિડીવાળા એલપીજી સિલિન્ડરની કિંમત 834.50 રૂપિયા યથાવત્ છે. તમને જણાવી દઈએ કે જુલાઈ મહિનામાં ઓઈલ કંપનીઓએ ઘરેલૂ LPG સિલિન્ડરની કિંમતમાં 25.50 રૂપિયાનો વધારો કર્યો હતો.

સિલિન્ડરને રિફિલ કરાવવાની યોજના ટૂંક જ સમયમાં આવશે
આવનારા સમયમાં ગેસ સિલિન્ડર ધારકો પોતાની મરજીથી ડિસ્ટ્રીબ્યુટરની પસંદગી કરી શકશે, જો આવું થશે તો એલપીજી ગ્રાહકો સિલિન્ડરને રિફિલ કરાવતી સમયે સિલિન્ડર લેવામાં સરળતા અનુભવશે. આ સમયે સંસદના ચોમાસુ સત્રમાં કહેવાયું છે કે સરકારે ગેસ ગ્રાહકોને આ મંજૂરી આપવાનો નિર્ણય લીધો છે. તેઓ કયા ડિસ્ટ્રીબ્યુટરથી ગેસ મેળવવા ઈચ્છે છે તેનો નિર્ણય લઈ શકશે.