કોરોના સંકટમાં હવે એલપીજી ગેસ સિલિન્ડર માટે પણ લાંબો સમય રાહ જોવી પડશે. તેની પાછળનું સૌથી મોટું વેન્ડર્સનું ભારે સંખ્યામાં સંક્રમિત થવું છે.
ગેસ સિલિન્ડરને લઈને આવ્યા કામના સમાચાર
હવે સિલિન્ડર મેળવવા જોવા પડશે વધુ રાહ
વેન્ડર્સનું ભારે સંખ્યામાં સંક્રમિત થતાં થઈ પરેશાની
તમને જણાવી દઈએ કે, ગત 20 દિવસોમાં ડિલીવરી વેટિંગ પીરિયડ એક દિવસથી વધીને 3 દિવસ થઈ ગયો છે. સંક્રમણના મામલાઓને જોતા આવનારા દિવસોમાં આ વેટિંગ પીરિયડ હજી વધવાની સંભાવના છે.
20 ટકા ડિલિવરીમેન થયા સંક્રમિત
અહેવાલો અનુસાર, 20 ટકાથી વધુ ડિલિવરી મેન કોરોનાથી સંક્રમિત થઈ ચૂક્યા છે. 2020માં માત્ર 5 ટકા ડિલિવરીમેનને કોરોનાથી ચેપ લાગ્યો હતો. આ સાથે જ કોરોનાની બીજી લહેરને કારણે દેશના 18 ટકા ડિલિવરમેન પલાયન કરી ચૂક્યા છે. જેના કારણે આવનારા દિવસોમાં વેટિંગ પીરિયડ વધવાની સંભાવના છે.
સિલિન્ડર બુકિંગમાં પણ આવી કમી
વધતા કોરોનાને કારણે દેશમાં લાગુ લોકડાઉનને કારણે સિલિન્ડર બુકિંગમાં પણ ઘટાડો થયો છે. દર મહિનાના આધારે જોઈએ તો એપ્રિલમાં કોમર્શિયલ સિલિન્ડર બુકિંગમાં 80 ટકાનો ઘટાડો થયો છે. સાથે જ ઘરેલું એલપીજી સિલિન્ડરની બુકિંગમાં 25 ટકાનો ઘટાડો થયો છે. ઉજ્જવલા ગ્રાહકનું માસિક બુકિંગ 20-25 ટકા પર આવી ગયું છે.
બદલાશે બુકિંગની રીત
ગયા વર્ષે સિલિન્ડર બુકિંગ અંગે 1 નવેમ્બર 2020થી કેટલાક ફેરફારો અમલમાં આવ્યા હતા. જેમાં ગેસ સિલિન્ડરનું બુકિંગ ઓટીપી આધારિત હતું, જેથી બુકિંગ સિસ્ટમ વધુ સુરક્ષિત અને સારી થઈ શકે. હવે ફરી એકવાર એલપીજી બુકિંગ અને ડિલિવરી સિસ્ટમ ખૂબ સરળ બનાવવા માટેની તૈયારીઓ કરવામાં આવી રહી છે.
કોઈપણ ગેસ એજન્સી પાસેથી ભરાવી શકાશે સિલિન્ડર
આવનારા સમયમાં ગ્રાહકો પોતાની આસપાસની કોઈ પણ ગેસ એજન્સીથી રસોઈ ગેસ બુક કરી શકે છે. નવા નિયમો લાગૂ થયા બાદ અલગ અલગ કંપનીઓના રસોઈ ગેસનું અંતર સમાપ્ત થઈ જશે. જે એજન્સી સારી સેવા આપી રહી છે ત્યાંથી સિલેન્ડર બુક કરાવી જલ્દીથી ડિલિવરી મેળવી શકાશે. સૂત્રોના જણાવ્યા પ્રમાણે ગત વર્ષ એલપીજીના નવા નિયમો પર ચર્ચા થઈ રહી હતી. આ વાત પર વિચાર કરવામાં આવ્યો હતો.