સપ્ટેમ્બર મહિનાના પહેલા દિવસે જ સામાન્ય લોકો પર મોંઘવારીનો માર પડી રહ્યો છે. ઓયલ માર્કેટિંગ કંપનીઓએ આજે એટલે કે 1 સપ્ટેમ્બર 2019થી સબ્સિડી વગરના ઘરેલૂ રસોઇ ગેસ સિલિન્ડરના ભાવમાં 16 રૂપિયાનો વધારો કર્યો છે.
સપ્ટેમ્બર મહિનાની શરૂઆત મોંઘવારી સાથે થઇ. સપ્ટેમ્બર મહિનાના પહેલા દિવસે જ સામાન્ય લોકો પર મોંઘવારીનો માર પડ્યો. ઓયલ માર્કેટિંગ કંપનીઓએ આજે એટલે કે 1 સપ્ટેમ્બર 2019થી સબ્સિડી વગરના ઘરેલૂ રસોઇ ગેસ સિલિન્ડરના ભાવમાં 16 રૂપિયાનો વધારો કર્યો છે. તો બીજી બાજુ ઇન્દ્રપ્રસ્થ ગેસ લિમિટેડે CNG ની કિંમતોમાં 50 થી 55 પૈસા પ્રતિ કિલોનો વધારો કર્યો છે. રસોઇ ગેસ અને સીએનજીની કિંમતોમાં વધારો થવાથી કાર ચલાવવી મોંઘી થઇ ગઇ.
મોંઘો થયો રસોઇ ગેસ
દેશની સૌથી મોટી ઑયલ માર્કેટિંગ કંપની ઇન્ડિયન ઓયલ કોર્પોરેશનની વેબસાઇટ અનુસાર રાજધાની દિલ્હીમાં આજથી સબ્સિડી વગરના 14.2 કિલોગ્રામ રસોઇ ગેસ સિલિન્ડર 590 રૂપિયાનો મળશે. ઓગસ્ટમાં એની કિંમત 574.50 રૂપિયા હતી. તો કલકત્તામાં સિલિન્ડર 601 ની જગ્યાએ 616.50 રૂપિયા, મુંબઇમાં 546.50ની જગ્યાએ 562 રૂપિયા, ચેન્નાઇમાં 590.50 ની જગ્યાએ 606.50 રૂપિયામાં સિલિન્ડર મળશે. આ ઉપરાંત 19 કિલોગ્રામ સિલિન્ડરની કિંમત દિલ્હીમાં 1054.50 રૂપિયા, કલકતામાં 1114.50 રૂપિયા, મુંબઇમાં 1008.50 રૂપિયા અને ચેન્નાઇમાં 1174.50 રૂપિયા છે. છેલ્લા બે મહિનામાં સિલિન્ડરની કિંમતોમાં સતત ઘટાડા બાદ આ વધારો થયો છે.
દિલ્હી-NCRમાં CNG ના ભાવમાં વધારો
દિલ્હી-NCRમાં IGLએ CNG ના ભાવમાં વધારો કર્યો છે. IGLએ દિલ્હી-NCR, નોયેડા, ગાજિયાબાદ અને ગુરુગ્રામમાં સીએનજીના ભાવમાં વધારો કર્યો છે.
ઇન્દ્રપ્રસ્થ ગેસ લિમિટેડ હજુ પણ રાતે 12 વાગ્યાથી સવારે 6 વાગ્યાની વચ્ચે CNG ભરાવનાર લોકોને 1.50 રૂપિયા પ્રતિ કિલોગ્રામની છૂટ આપશે. જો કે આ છૂટ દિલ્હી, નોયડા, ગ્રેટર નોયડા અને ગાજિયાબાદમાં મળશે.