ઘરેલૂ LPG સિલેન્ડરના ભાવ છેલ્લા 6 મહિનાથી ન તો વધ્યા છે, કે ન તો ઘટ્યા છે. પાંચ રાજ્યોમાં વિધાનસભા ચૂંટણીને લઈને નોન સબ્સિડીવાળા ગેસ સિલેન્ડરના ભાવમાં છેલ્લા છ મહિનાથી રાહત છે.
છ મહિનાથી સ્થિર છે LPG ના ભાવ
ચૂંટણી પરિણામ બાદ વધી શકે છે ભાવ
હાલમાં આવા ભાવ છે સિલેન્ડરના
ઘરેલૂ LPG સિલેન્ડરના ભાવ છેલ્લા 6 મહિનાથી ન તો વધ્યા છે, કે ન તો ઘટ્યા છે. પાંચ રાજ્યોમાં વિધાનસભા ચૂંટણીને લઈને નોન સબ્સિડીવાળા ગેસ સિલેન્ડરના ભાવમાં છેલ્લા છ મહિનાથી રાહત છે. કાચા તેલના ભાવમાં 92 ડોલર પ્રતિ બૈરલ પાર થયા હોવા છતાં પણ છ ઓક્ટોબર 2021થી LPG સિલેન્ડરમાં કોઈ ફેરફાર થયો નથી. ત્યારે હવે એવી શક્યતાઓ છે કે, ચૂંટણી બાદ એટલે કે, 10 માર્ચ પછી ગમે ત્યારે ગેસના ભાવમાં 100 રૂપિયા પ્રતિ સિલેન્ડરથી વધી શકે છે.
ચૂંટણી પુરી થતાં 100 રૂપિયાની આસપાસ વધી શકે છે ભાવ
જો કે, ઓક્ટોબર 2021થી એક ફેબ્રુઆરી 2022ની વચ્ચે કોમર્શિયલ સિલેન્ડરના ભાવમાં 170 રૂપિયા વધી ચુક્યા છે. દિલ્હીમાં 1 ઓક્ટોબરના રોજ કોમર્શિયલ સિલેન્ડરના ભાવ 1736 રૂપિયા હતા. નવેમ્બરમાં તે 2000 રૂપિયા થયા અને ડિસેમ્બરમાં તે 2101 રૂપિયા થઈ ગયા હતા. ત્યાર બાદ જાન્યુઆરીમાં તે ફરીથી સસ્તો થયો અને ફેબ્રુઆરી 2022ના રોજ વધું સસ્તો થતાં 1907 રૂપિયા પર આવી ગયો હતો.
હાલમાં આ કિંમતે વેચાઈ છે LPG
જો ઘરેલૂ એલપીજી સિલેન્ડરની વાત કરીએ તો, હાલમાં દિલ્હી અને મુંબઈમાં લગભગ 900 રૂપિયા કલકત્તામાં 926 રૂપિયા અને ચેન્નાઈમાં 916 રૂપિયે મળી રહ્યો છે. તેમાં 14.2 કિલો ગેસ હોય છે. જો આપનો પરિવાર નાનો છે અને આપ દિલ્હીમાં રહો છો તો આપ 634 રૂપિયામાં પણ એલપીજી સિલેન્ડર લઈ શકો છો. જો કે, તેમાં ફક્ત 10 કિલો ગેસ જ આવશે.