રાંધણ ગેસના ભાવમાં ફરી વધારો કરવામાં આવ્યો છે. LPG સિલિન્ડરમાં બે રૂપિયાનો ભાવ વધારો કરવામાં આવ્યો છે. નવેમ્બર મહિનામાં બીજી વખતે ગેસના ભાવમાં વધારો કરવામાં આવ્યો છે. ડિલરોનું કમિશન વધવાને કારણે ભાવ વધારો કરવામાં આવ્યો છે.
ડિલરોનું કમિશન રૂ.48.89 થી વધીને રૂ.50.58 કરવામાં આવ્યુ છે. અગાઉ નાણાં મંત્રાલયે ડીલર્સનું કમીશન વધારવાનો આદેશ આપ્યો હતો. આદેશમાં કહેવામાં આવ્યું હતું કે સપ્ટેમ્બર 2017માં 14.7 કિલોના અને 5 કિલોના સિલિન્ડર પર કમીશન અનુક્રમે 48.89 રૂપિયા અને 24.20 રૂપિયા નક્કી કરવામાં આવ્યું હતું.
આદેશના જણાવ્યા પ્રમાણે એલપીજી ડિસ્ટ્રીબ્યુટર્સના કમીશનમાં રિવિઝન પર ડિ-નોવો સ્ટડી પ્રમાણે ટ્રાન્સપોર્ટેશન કોસ્ટ વેજેસ સહિતના વધારાને ધ્યાનમાં રાખીને ડિસ્ટ્રીબ્યુટરનું કમીશન વધારવાનો નિર્ણય કરવામાં આવ્યો છે. આ અંતર્ગત 14.2 કિલોના સિલિન્ડર પર 50.38 રૂપિયા કમીશન અને 5 કિલોના સિલિન્ડર પર 25.29 રૂપિયા કમીશન આપવાનો નિર્ણય કરવામાં આવ્યો છે.
તમને જણાવી દઇએ કે આ મહીનામાં કિંમતોમાં આ બીજો વધારો છે. અગાઉ 1 નવેમ્બરે પ્રતિ સિલિન્ડરની કિંમત 2.94 રૂપિયા વધારવામાં આવી હતી. જૂન બાદ બેઝ પ્રાઈસ પર ચૂકવવામાં આવનાર જીએસટીના કારણે દર મહિને કિંમતો વધી રહી છે. અત્યાર સુધી કુલ 16.21 રૂપિયાનો વધારો થઈ ચૂકયો છે.