સામાન્ય માણસને વધુ એક મોટો ઝટકો લાગ્યો છે. પેટ્રોલિયમ કંપનીઓએ રસોઈ ગેસના ભાવમાં વધારો કર્યો છે.
સામાન્ય માણસને વધુ એક મોટો ઝટકો
ગેસ સિલિન્ડરમાં થયો વધારો
ઘરેલૂ એલપીજી સિલેન્ડરના ભાવ વધી ગયા
તમને જણાવી દઈએ કે, બિન સબસિડીવાળા ઘરેલું એલપીજી સિલિન્ડરની કિંમતમાં 25 રૂપિયાનો વધારો કરવામાં આવ્યો છે. એલપીજીના ભાવમાં આ વધારો સોમવાર રાતથી જ અમલમાં આવ્યો છે. તમને જણાવી દઈએ કે પેટ્રોલિયમ કંપનીઓના આ નિર્ણયની સામાન્ય માણસના ખિસ્સા પર ઘણી અસર પડશે.
જાણો કેટલું મોંઘુ થયું LPG સિલિન્ડર
સરકારી ઓઇલ કંપની ઈન્ડિયન ઓઇલ કોર્પોરેશન (IOC)એ સબસિડી વગરના 14.2 કિલો ગેસ સિલિન્ડરની કિંમતમાં 25 રૂપિયાનો વધારો કર્યો છે. આ વધારા પછી, 14.2 કિલો એલપીજી સિલિન્ડર હવે દિલ્હીમાં 859.5 રૂપિયામાં ઉપલબ્ધ થશે, અગાઉ તે 834.50 રૂપિયા મળતા હતા.
સાથે જ આ વધારા પછી હવે 14.2 કિલો એલપીજી સિલિન્ડર કોલકાતામાં 886 રૂપિયા, મુંબઈમાં 859.5 રૂપિયા અને લખનઉમાં 897.5 રૂપિયા થઈ ગયું છે. એ જ રીતે 19 કિલોના કોમર્શિયલ સિલિન્ડરની કિંમતમાં પણ 68 રૂપિયાનો વધારો કરવામાં આવ્યો છે. દિલ્હીમાં તેની કિંમત વધીને 1618 રૂપિયા થઈ ગઈ છે. તમને જણાવી દઈએ કે, ગયા મહિને જ ઓઈલ કંપનીઓએ રસોઈ ગેસ સિલિન્ડરની કિંમતમાં 25.50 રૂપિયાનો વધારો ઝીંક્યો હતો.
અહીં ચેક કરો એલપીજીની કિંમત
જો તમે એલપીજી ગેસ સિલિન્ડરની કિંમત ચેક કરવા માંગતા હો તો પહેલાં તમારે ઓઇલ કંપનીની ઓફિશિયલ વેબસાઇટ https://iocl.com/Products/IndaneGas.aspx પર જવું પડશે. અહીં કંપનીઓ દર મહિને નવા રેટ્સ બહાર પાડે છે.