સામાન્ય માનવી માટે ખુશખબર છે. ગેસ સિલિન્ડરના ભાવ આગામી મહિને ઘટી શકે છે. કેન્દ્રીય પેટ્રોલિયમ અને કુદરતી ગેસ પ્રધાન ધર્મેન્દ્ર પ્રધાને રાયપુર ખાતે પત્રકારો સાથેની વાતચીતમાં રાંધણગેસની કિંમતમાં આગામી મહિને ઘટાડો થશે એવો સંકેત આપ્યો છે.
ગૃહણીઓ માટે આવ્યા ખુશી સમાચાર
રાંધણગેસની કિંમતમાં આગામી મહિને ઘટાડો થશે
સતત ભાવ વધારા પછી હવે ઘટાડો થશે
એલપીજી ગેસ સિલિન્ડરની કિંમતમાં થઇ રહેલા સતત વધારા અંગેના એક પ્રશ્નનો જવાબ આપતા ધર્મેન્દ્ર પ્રધાને જણાવ્યું હતું કે કિંમત સતત વધી રહી છે એ વાત યોગ્ય નથી. આંતરરાષ્ટ્રીય બજારના કારણે આ મહિને બજારમાં કિંમતમાં વધારો થયો છે, જોકે આગામી મહિને રાંધણગેસની કિંમતમાં ઘટાડો થશે એવા સંકેતો મળી રહ્યા છે.
તેમણે જણાવ્યું હતું કે શિયાળામાં એલપીજીનો વપરાશ વધી જવાથી આ સેક્ટર પર દબાણ આવે છે. તેમણે જણાવ્યું કે આ મહિને ભલે કિંમત વધી પણ આગામી મહિને કિંમત ઘટી જશે. અત્રે ઉલ્લેખનીય છે કે ગયા મહિને એલપીજી ગેસ સિલિન્ડરની કિંમત પ્રતિ સિલિન્ડર રૂ. 144.50 વધી ગઇ હતી.