દેશની જનતાને મોંઘવારીનો ડબલ ડોઝ મળ્યો છે. પેટ્રોલ-ડિઝલ બાદ LPG સિલિન્ડરની કિંમતમાં વધારો કરવામાં આવ્યો છે.
LGP સિલિન્ડરની કિંમતમાં 50 રૂપિયાનો વધારો
પેટ્રોલ-ડીઝલ બાદ ગેસની કિંમતમાં તોતિંગ વધારો
LPG સિલિન્ડરના ભાવમાં રૂ.50નો વધારો કર્યો
દેશની જનતા માટે અઠવાડિયોનો પહેલો દિવસ મોંઘવારીનો માર લઇને આવ્યો છે. જેમાં LPG સિલિન્ડરની કિંમતમાં 50 રૂપિયાનો વધારો કરવામાં આવ્યો છે. જ્યારે પેટ્રોલ-ડીઝલની કિંમતમાં પણ 26 પૈસાનો વધારો કરવામાં આવ્યો છ.
આ વધારા સાથે સબસીડી વગરના 14.2 કિલોના ઘરના એલપીજી સિલિન્ડરની કિંમત 769 રુપિયા થઇ ગઇ છે. આ પહેલા આ 719 રૂપિયા હતી. આ કિંમત આજથી જ લાગુ કરી દેવામાં આવી છે. દિલ્હીમાં પેટ્રોલની કિંમત 89 રૂપિયા સુધી પહોંચી ગઇ છે.
પેટ્રોલ - ડીઝલ બાદ ગેસની કિંમતમાં તોતિંગ વધારો કરવામાં આવ્યો છે. LPG સિલિન્ડરના ભાવમાં 50 રૂપિયાનો વધારો કરાયો છે. ફેબ્રુઆરી મહિનામાં સતત બીજી વખત ભાવ વધારો આ અગાઉ 4 ફેબ્રુઆરીના રોજ ગેસના ભાવમાં 25 રૂપિયાનો વધારો કરવામાં આવ્યો છે.
દિલ્હીમાં પેટ્રોલ 89ની નજીક પહોંચ્યું
બીજી તરફ પેટ્રોલ-ડીઝલનની કિંમત છેલ્લા એક અઠવાડીયાથી સતત વધી રહી છે. સોમવારના રોજ પણ દિલ્હીમાં પેટ્રોલ-ડીઝલની કિંમતમાં 26 પૈસા પ્રતિ લિટરમાં વધારો કરવામાં આવ્યો છે. દિલ્હીમાં પેટ્રોલની કિંમત 89 રૂપિયા પ્રતિ લિટર સુધી પહોંચી ગઇ છે. એટલું જ નહીં દેશના કેટલાક શહેરોમાં પેટ્રોલ 99નો આકંડો પણ પાર કરી 100 રૂપિયા સુધીનું જોવા મળી રહ્યું છે.
ક્રૂડ ઓઇલની કિંમત સતત મજબૂત થઇ રહી છે. જોકે ભારતમાં પેટ્રોલિયમની કિંમત ભારતીય બાસ્કેટમાં આવનાર જે ક્રૂડ ઓઇલ પર નિર્ભર કરે છે, તેની પર કિંમતની અસર 20 થી 25 દિવસ બાદ જોવા મળે છે.
આ છે પ્રમુખ શહેરોની કિંમત
આ વધારા સાથે દિલ્હીમાં પેટ્રોલ 88.89 રૂપિયા અને ડિઝલ 79.35 રૂપિયા લીટર થઇ ગયું છે. આ પ્રકારે મુંબઇમાં 95.46 રૂપિયા અને ડીઝલ 86.34 પ્રતી લીટર, ચેન્નાઇમાં પેટ્રોલ 91.19 રૂપિયા અને ડીઝલ 84.44 રૂપિયા પ્રતિ લીટર તેમજ કોલકાતામાં પેટ્રોલની કિંમત 90.25 રૂપિયા અને ડીઝલ 82.94 રૂપિયા પ્રતી લીટર થઇ ગઇ છે.
ઉલ્લેખનીય છે કે હાલ દેશભરમાં બધા શહેરોમાં પેટ્રોલ-ડીઝલના ભાવ રેકોર્ડ ઉંચાઇ પર ચાલી રહ્યાં છે. કેટલા શહેરોમાં 95 રૂપિયા ઉપર પહોંચી ગયું છે. ગત એક વર્ષમાં પેટ્રોલમાં અંદાજે 18 રૂપિયા પ્રતિ લીટરથી વધારે કિંમત પર પહોંચી ગઇ છે.