નિયમ / ગેસ એજન્સી પાસે યાદથી અપડેટ કરાવી લો આ બે જાણકારી, નહીંતર રોકાઈ જશે LPG ગેસની ડિલીવરી

રજિસ્ટર્ડ મોબાઇલ નંબર પર OTP  મોકલવામાં આવશે

સરકારી ઓઈલ કંપનીઓના જણાવ્યા અનુસાર, 1 નવેમ્બરથી દેશના 100 સ્માર્ટ શહેરોમાં ગેસની ડિલિવરી માટે વન ટાઇમ પાસવર્ડ (ઓટીપી) ફરજિયાત થઈ ગયો છે. આ નવી સિસ્ટમનું નામ ડીએસી એટલે કે ડિલિવરી ઓથેન્ટિકેશન કોડ આપવામાં આવ્યું છે. હવે, ફક્ત બુકિંગ દ્વારા સિલિન્ડર પહોંચાડવામાં આવશે નહીં, પરંતુ તમારા રજિસ્ટર્ડ મોબાઇલ નંબર પર એક કોડ મોકલવામાં આવશે. જ્યાં સુધી તમે ડિલીવરી બોયને તે કોડ નહીં બતાવો ત્યાં સુધી ડિલિવરી પૂર્ણ નહીં થાય.

સરનામું અને મોબાઈલ નંબર અપડેટ કરવું ફરજિયાત છે

સિલિન્ડર ડિલિવરીનની નવી પોલિસી એવા ગ્રાહકોની મુશ્કેલીઓમાં વધારો કરશે જેમના સરનામા અને મોબાઇલ નંબર ખોટા છે. આને કારણે લોકોના સિલિન્ડરોની ડિલિવરી રોકાય શકે છે. ઓઈલ કંપનીઓ દ્વારા તમામ ગ્રાહકોને પોતાનું નામ, સરનામું અને મોબાઇલ નંબર અપડેટ કરવાની સલાહ આપવામાં આવી છે. જેથી તેઓને સિલિન્ડરની ડિલિવરી લેવામાં કોઈ મુશ્કેલીનો સામનો ન કરવો પડે. જોકે, આ નિયમ કોમર્શિયલ (એલપીજી) સિલિન્ડરો પર લાગુ થશે નહીં.

નવેમ્બર માટે નવા દર બહાર પાડવામાં આવ્યા છે

સરકારી તેલ કંપનીઓએ પણ નવેમ્બર મહિના માટે એલપીજી ગેસ સિલિન્ડરના નવા ભાવ જાહેર કર્યા છે. નવેમ્બર મહિના માટે પણ 14 કિલોના એલપીજી સિલિન્ડરના ભાવમાં કોઈ ફેરફાર કરવામાં આવ્યો નથી. જોકે, 19 કિલોના વેપારી ગેસ સિલિન્ડરના ભાવમાં પ્રતિ સિલિન્ડરમાં 78 રૂપિયાનો વધારો કરવામાં આવ્યો છે.