હવે ગેસ સિલિન્ડર ખતમ થયા પછી ચિંતા કરવાની જરૂર નથી. તમે ફક્ત એક જ મિસ્ડ કોલથી ગેસ સિલિન્ડર બુક કરી શકો છો.
LPG સિલિન્ડર બુક કરવાની ઝંઝટ થઈ ખતમ
હવે માત્ર એક મિસ્ડ કોલથી થશે કામ
આ નંબર તમારા મોબાઈલમાં સેવ કરી લો
ઈન્ડેન ગેસ તેના ગ્રાહકોને આ સુવિધા આપી રહ્યું છે. ઈન્ડેન ગેસના અધિકારીઓએ કહ્યું કે, આ સેવા 1 ફેબ્રુઆરીથી શરૂ કરી દેવાઈ છે. હવે ઈન્ડેન ગેસને તમે માત્ર એક મિસ્ડ કોલથી બુક કરી શકો છો. આ સાથે જ તમને મિસ્ડ કોલથી જ નવું કનેક્શન પણ મળી જશે. આ સુવિધાનો લાભ લેવા માટે તમારે તમારા રજિસ્ટર્ડ મોબાઈલ નંબરનો ઉપયોગ કરવો પડશે. ઈન્ડેન ગેસએ આ સુવિધા માટે એક નંબર જારી કર્યો છે. જો તમે તમારા મોબાઈલ નંબરથી તેના પર મિસ્ડ કોલ કરશો તો તમારો સિલિન્ડર બુક થઈ જશે.
ઈન્ડિયન ઓઈલ એલપીજી ગ્રાહકો હવે ફક્ત એક મિસ્ડ કોલ કરીને દેશના કોઈપણ ભાગમાંથી સિલિન્ડર બુક કરાવી શકે છે. ઇન્ડેન દ્વારા મિસ્ડ કોલ્સ માટે જારી કરાયેલ નંબર - 8454955555 છે. મિસ્ડ કોલ દ્વારા ગેસ સિલિન્ડર બુક સરળતાથી કરી શકાય છે. પહેલાંની જેમ હવે ગ્રાહકોએ લાંબા સમય સુધી કોલ હોલ્ડ પર રાખવો પડશે નહીં. ઉપરાંત, મિસ્ડ કોલ્સ દ્વારા બુક કરવાનો એક ફાયદો એ છે કે આઇવીઆરએસ કોલ્સની જેમ, ગ્રાહકોને કોઈ વધારાનો ચાર્જ ચૂકવવો પડશે નહીં.
આ સુવિધાથી એવા લોકોને પણ ગેસ બુક કરાવવામાં સરળતા રહેશે જે IVRS કોલમાં મુશ્કેલીનો સામનો કરતા હતા. વૃદ્ધ લોકો માટે પણ સુવિધા વધારે અનુકૂળ રહેશે. ઓઈલ મંત્રી ધર્મેન્દ્ર પ્રધાને ભુવનેશ્વરથી મિસ્ડ કોલ સુવિધા શરૂ કરી.
6 વર્ષમાં 17 મિલિયન લોકો એલપીજી કનેક્શનની સુવિધા મળી
ભુવનેશ્વરમાં એલપીજી કનેક્શન માટેની મિસ્ડ કોલ સેવા ગયા મહિને જ શરૂ કરવામાં આવી છે. ખૂબ જ જલ્દીથી તે દેશના અન્ય શહેરોમાં શરૂ કરવામાં આવશે. આ અંગે વાત કરતાં ધર્મેન્દ્ર પ્રધાને કહ્યું કે, ગેસ એજન્સીઓ અને ડિસ્ટ્રિબ્યુટર એ નિશ્ચિત કરે કે, ગેસ ડિલિવરીનો સમય એક દિવસ ઘટાડીને થોડાં કલાકમાં જ ડિલીવરી કરી દેવામાં આવે. તેમણે વધુમાં જણાવ્યું કે, દેશમાં એલપીજીને લઈને ઘણાં બદલાવ થઈ રહ્યાં છે. 2014 પહેલાં 2 મિલિયન લોકોએ લગભગ 6 દાયકામાં એલપીજી કનેક્શન્સ લીધા હતા. હવે તે છેલ્લા 6 વર્ષમાં વધીને 30 કરોડ થઈ ગઈ છે.