હવે ગેસ સિલિન્ડરના બુકિંગ માટે બસ ફક્ત 1 મિસ્ડ કોલ કરવાનો રહેશે. પહેલાંની જેમ ગેસ બુકિંગ માટે વધારે સમય સુધી ફોન પર રાહ જોવાની રહેશે નહીં. ઈન્ડેન (Indane Gas) કંપનીએ પોતાના ગ્રાહકો માટે દેશમાંથી ક્યાંયથી પણ મિસ્ડ કોલની મદદથી ગેસ સિલિન્ડર બુક કરાવવાની સુવિધા આપી છે અને તેના માટે એક ખાસ નંબર આપ્યો છે. તો તમે પણ કરી લો સેવ.
ઈન્ડેન કંપની ગ્રાહકો માટે લાવી ખાસ સુવિધા
હવે દેશમાં ક્યાંયથી પણ મિસ્ડ કોલથી કરાવી શકશો સિલિન્ડર બુક
નોંધી લો મિસ્ડ કોલ કરવાનો નવો નંબર
આ નંબર પર કરી શકો છો મિસ્ડ કોલ
ઈન્ડેન ગેસના ગ્રાહકોને માટે કંપનીએ ગેસ સિલિન્ડરને બુક કરવા માટે મિસ્ડ કોલની સુવિધા શરૂ કરી છે. ઈન્ડિયન ઓઈલના એલપીજી ગ્રાહકો દેશના કોઈ પણ ખૂણેથી ફ્કત એક મિસ્ડ કોલની મદદથી સિલિન્ડર બુક કરાવી શકે છે. મિસ્ડ કોલ માટે ઈન્ડેન દ્વારા ખાસ નંબર બહાર પાડવામાં આવ્યો છે. આ નંબર છે 8454955555. તો તમે પણ નોંધી લો આ નંબર.
કંપનીએ શુક્રવારે આપી આ માહિતિ
શુક્રવારે કંપનીએ નિવેદન આપતાં કહ્યું કે મિસ્ડ કોલની મદદથી ગેસ સિલિન્ડરનુ બુકિંગ સરળ બન્યું છે. પહેલાંની જેમ ગ્રાહકોએ લાંબા સમય સુધી કોલ હોલ્ડ પર રાખવો પડશે નહીં. સાથે જ મિસ્ડ કોલની મદદથી ગેસ બુકિંગનો ફાયદો એ છે કે આઈવીઆરએસ કોલ્સના આધારે અનેક ગ્રાહકોના કોઈ અન્ય ચાર્જ પણ લાગશે નહીં.
ગ્રાહકોને મળશે સુવિધા
આ સુવિધાથી એ લોકોને એલપીજી સિલિન્ડર બુક કરાવવામાં સરળતા રહેશે જેઓ IVRS ફોનમાં મુશ્કેલીઓ અનુભવતા હતા. સાથે વૃદ્ધ વ્યક્તિઓ માટે પણ એક સરળતા રહેશે.
6 વર્ષમાં 17 કરોડ લોકો સુધી પહોંચ્યું છે એલપીજી કનેક્શન
ભુવનેશ્વરમાં આજે એલપીજી કનેક્શનને માટે મિસ્ડ કોલ સર્વિસ લોન્ચ કરાઈ છે. જલ્દી તેને દેશના અન્ય શહેરોમાં પણ લોન્ચ કરાશે. આ માટે મંત્રી ધર્મેન્દ્ર પ્રધાને કહ્યું કે ગેસ એજન્સીઓ અને ડિસ્ટ્રી્બ્યુટર્સ નક્કી કરે કે ગેસ ડિલિવરીનો સમય એક દિવસથી વધારે ઓછો કરીને થોડા કલાકોનો કરે. તેઓએ એમ પણ કહ્યું કે દેશને એલપીજીને લઈને લાંબી સફર નક્કી કરવાની છે. 2014 પહેલાં લગભગ 6 દશકમાં એલપીજી કનેક્શનને 2 કરોડ લોકો પાસે પહોંચાડાયું હતું. ગયા 6 વર્ષમાં તે સંખ્યા વધીને 30 કરોડ લોકો સુધીની થઈ છે.