સામાન્ય જનતાને જીવવા માટે ખરેખર કપરા ચઢાણો ચડવા પડી રહ્યા છે ત્યારે રાંધણ કેસ, પેટ્રોલ ડિઝલના ભાવ બાદ હવે તેલના ભાવ પણ આસમાને પહોંચ્યા છે.
સીંગતેલના ભાવમા 75 રૂ વધારા સાથે 2550 પર પહોંચ્યો
કપાસિયા તેલમાં રૂ 100ના વધારા સાથે 1900થી 2000 પર પહોંચ્યો
પામ તેલમા 100નો વધારા સાથે 1890 રૂપિયા પહોંચ્યો
તેલના ભાવમાં ભડકો થયો છે. સિંગતેલના ભાવમા 75 રૂપિયાના વધારા સાથે 2550 પર પહોંચી ગયો છે. કપાસિયા તેલમાં પણ રૂ 100ના વધારો થયો છે. એટલે કપાસિયા તેલનો બાવ 1900થી 2000 પર પહોંચ્યો છે જ્યારે પામ તેલમા 100નો વધારા સાથે 1890 રૂપિયા પહોંચ્યો છે.
LPG સિલિન્ડરના ભાવમાં ફરી વધારો
LPG ભાવમાં 1 મહિનામાં ત્રીજી વખત વધારો થયો છે. સબસિડિ વિનાના LPG સિલિન્ડરમાં રૂ.25નો વધારો થતાં 3 મહિનામાં LPG સિલિન્ડરના ભાવમાં રૂ.200નો વધારો નોંધાયો છે.
100 રૂપિયાના ભાવની પાડવી પડશે આદત
દરેક દેશવાસીને હાલ પેટ્રોલ-ડીઝલના ભાવ દઝાડી રહ્યા છે. સતત વધી રહેલા ભાવથી દેશની જનતા ત્રસ્ત થઈ ગઈ છે. દેશના અનેક રાજ્યોમાં હાલ પેટ્રોલના ભાવ 100 રૂપિયા લીટરે પહોંચી ગયા છે. જે રાજ્યોમાં વેટ અને સેસની ટકાવારી વધારે છે ત્યાં આ કિંમત હવે ન્યૂ નોર્મલ થઈ શકે છે. તો કેન્દ્રએ પહેલા જ એક્સાઈઝ ડ્યૂટીમાં ઘટાડો કરવાનો ઈન્કાર કરી દીધો છે. તેથી જો ભાવમાં ઘટાડો ન થાય કે તેલ ઉત્પાદક દેશો એપ્રિલથી ઉત્પાદનમાં ભારે વધારો નથી કરતા તો ગ્રાહકોને દૂર દૂર સુધી કોઈ રાહત મળવાની આશા દેખાતી નથી