સારાં સમાચાર / PFના નિયમોમાં થશે મોટો ફેરફાર, આ લોકોને થશે જબરદસ્ત ફાયદો

• પીએફના નિયમોમાં થઈ શકે છે મોટો ફેરફાર
• પીએફ કોન્ટ્રિબ્યૂશન ઘટાડવાની છૂટ મળી શકશે
• આ લોકોને થશે ફાયદો

એક વરિષ્ઠ સરકારી અધિકારીએ જણાવ્યું હતું કે, પીએફમાં કોન્ટ્રિબ્યૂશન ઘટાડવાનો આ નિયમ તમામને લાગુ પડશે નહીં. આ નિયમ યુનિવર્સલ નહીં હોય. કેટલીક કેટેગરી માટે તેની મંજૂરી આપવામાં આવશે. તેમણે જણાવ્યું કે વર્કર્સની આ કેટેગરી કેટલાક માપદંડના આધારે નિર્ધારિત કરવામાં આવશે. જે માપદંડ પર વિચારણા કરાઇ રહી છે તેમાં વર્કિંગ વુમન અને વિકલાંગ પ્રોફેશનલને પણ આ કેટેગરીમાં સ્થાન આપવામાં આવી શકે છે.
શ્રમ મંત્રાલય બેથી ત્રણ ટકા ઓછાં કોન્ટ્રિબ્યૂશનની મંજૂરીના દાયરામાં આવનારા વર્કર્સની કેટેગરી નિર્ધારિત કરવા માટેનાં સૂચિત માપદંડ પર વિચારણા કરી રહી છે અને આ સંદર્ભે ટૂંક સમયમાં નિર્ણય લેવામાં આવશે.

આ પ્રસ્તાવ પર વિચારણા કરવામાં આવી રહી છે

આ અધિકારીએ જણાવ્યું હતું કે સરકારને એ વાતની ખબર છે કે નિવૃત્તિ સમયે સોશિયલ સિક્યોરિટીની જરૂર હોય છે, પરંતુ યુવાન કર્મચારીઓને લગ્ન, મકાન ખરીદી અને કારકિર્દીનાં પ્રારંભિક વર્ષોમાં અન્ય જરૂરિયાતો માટે હાથમાં પૈસાની વધુ જરૂર પણ હોય છે. તેને ધ્યાનમાં રાખીને આ પ્રસ્તાવ પર વિચારણા કરવામાં આવી રહી છે.

અત્યારે તમામ કર્મચારીને પોતાના બેઝિક સેલરીના 12 ટકા કોન્ટ્રિબ્યૂશન ફરિજયાતપણે એમ્પ્લોઇઝ પ્રોવિડન્ટ ફંડ ઓર્ગેનાઇઝેશનને આપવા પડે છે. એટલી જ રકમ તેના એમ્પ્લોયર દ્વારા જમા કરવામાં આવે છે. એમ્પ્લોયરના કોન્ટ્રિબ્યૂશનમાં કોઇ જ ફેરફાર કરવાનો પ્રસ્તાવ હાલ વિચારણા હેઠળ નથી.