ભાગદોડવાળી અનિયમિત જીવનશૈલીમાં દરેકને કોઈને કોઈ સમસ્યા રહે છે. તેના કારણે લો BPની સમસ્યા સર્જાય છે. લો બીપી એટલે કે હાઈપોટેંશન પણ ખતરનાક હોઈ શકે છે. જો તમારું બીપી 90-60ની વચ્ચે રહે છે તો તમને લો બીપીની સમસ્યા રહે છે. જેમાં તમને ચક્કર આવવા, હાર્ટબીટ ઘટવી, ઝાંખું દેખાવવું વગેરે સમસ્યાઓ રહે છે. મોટાભાગના લોકો ફક્ત હાઈ બીપીને જ ખતરો માને છે. પરંતુ લો બીપી પણ નુકસાનકારક હોઈ શકે છે. જ્યારે તમને આવી સમસ્યા રહેતી હોય ત્યારે તમારે તરત જ કોફીનું સેવન કરવું જોઈએ. તે તમને તરત જ લાભ આપશે.
BPની સમસ્યામાં કરો આ ચીજનું સેવન
હાઈ અને લો બંને બીપીની સમસ્યામાં રહો સાવધાન
કોફીનું સેવન લો બીપીની સમસ્યામાં લાભ આપશે
કોફી
લો બીપીને તરત જ કંટ્રોલ કરવું હોય તો કોફીનું સેવન લાભદાયી રહે છે. તે એક સારો વિકલ્પ હોઈ શકે છે. કોફીમાં રહેલું કેફીન બીપીના લેવલને નોર્મલ કરવામાં મદદ કરે છે. સીમિત પ્રમાણમાં કોફી પીવાથી લાભ થાય છે.પરંતુ તેનું વધારે પડતું સેવન પણ ડિહાઈડ્રેશનની સમસ્યા સર્જે છે.
સતત પાણી પીતા રહો
ગરમીની સીઝનમાં બીપી લો રહેવાની સમસ્યા વધારે રહે છે. કારણ કે પરસેવાની મદદથી શરીરમાંથી મીઠું બહાર નીકળી જાય છે. એવામાં ડોક્ટર્સ હાઈડ્રેટ રહેવાની સલાહ આપે છે. લો બીપીની સમસ્યાથી પીડિત લોકોએ રોજ 8-10 ગ્લાસ પાણી પીવું.
સોડિયમ યુક્ત ખોરાક વધારો
લો બીપીના દર્દીએ શરીરમાં સોડિયમ જળવાઈ રહે તેનું ધ્યાન રાખવું. તે ખૂબ જ જરૂરી છે. દર્દીને મીઠા વાળું પાણી આપવું યોગ્ય રહે છે. તેમાં સોડિયમ હોય છે તે બીપી વધારવામાં મદદ કરે છે. લો બીપી સમયે એક ગ્લાસ પાણીમાં અડધી ચમચી મીઠું નાંખીને પીવાથી રાહત મળશે. આ સિવાય ખાંડ અને પાણી પણ પીવડાવી શકો છો.
કાર્બોહાઈડ્રેટ્સનું સેવન ઘટાડો
કાર્બોહાઈડ્રેટ્સ પેટમાં જઈને બ્રેક ડાઉન કરે છે. તેનાથી કાર્બ્સ સરળતાથી પચી જાય છે. બીપીનું લેવલ તેનાથી ઘટી શકે છે. દર્દીઓ માટે ખતરનાક હોઈ શકે છે. એવામાં દર્દીઓએ તેનો ઉપયોગ ઘટાડવો જોઈએ.