દિલ્હીથી અડીને આવેલા ગાઝિયાબાદમાંથી એક હેરાન કરનારા કિસ્સો સામે આવ્યો છે.
ગાઝિયાબાદમાંથી ચોંકાવનારો કિસ્સો સામે આવ્યો
પ્રેમિકાએ પ્રેમીનું ગળુ કાપી નાખ્યું
લાશને સૂટકેસમાં ભરી ભાગવા જતાં પોલીસે પકડી પાડી
દિલ્હીથી અડીને આવેલા ગાઝિયાબાદમાંથી એક હેરાન કરનારા કિસ્સો સામે આવ્યો છે. અહીં ટીલા મોડ પોલીસ સ્ટેશન હદ વિસ્તારમાં એક પ્રેમિકાએ પોકાના પ્રેમીની લાશને સૂટકેસમાં લઈ જતી પકડી પાડી હતી. જાણકારી અનુસાર, મહિલા તુલસી નિકેતન ચોકી વિસ્તાર પાસેથી એક ઓટોમાંથી પકડાઈ ગઈ હતી. પોલીસ મહિલા સાથે પૂછપરછ કરી રહી છે. એસપી ટ્રાંસ હિંડન જ્ઞાનેન્દ્ર સિંહનનું કહેવુ છે કે, પ્રેમિ પ્રેમિકા ચાર વર્ષથી લિવ ઈનમાં રહેતા હતા. પોલીસે યુવતી પાસેથી વધારે જાણકારી માટે પૂછપરછ કરી હતી.
ચાર વર્ષથી લિવ ઈનમાં રહેતા હતા
પોલીસે જણાવ્યું છે કે, આરોપી મહિલા પ્રીતિ શર્મા નિવાસી તુલસી નિકેતન ચાર વર્ષથી સંભલના રહેવાસી ફિરોઝ સાથે લિવ ઈનમાં હતી. પ્રીતિ પોતાના પતિ સાથે વિવાદ બાદ અલગ રહેતી હતી. મૃતક પ્રેમી ફિરોઝ દિલ્હીમાં સૈલૂન ચલાવતો હતો. અત્યાર સુધી મળેલી વિગતો અનુસાર આરોપી મહિલાએ પોતાના પ્રેમીને અસ્તરાથી ગળું કાપી નાખી હત્યા કરી દીધી હતી.
હત્યા કર્યા બાદ લાશ સૂટકેસમાં ભરી ભાગવા જતા પકડાઈ ગઈ
પોલીસે જણાવ્યું હતું કે, પ્રેમિકાએ પ્રેમીની હત્યા કરીને લાશ કેટલાય કલાકો સુધી છુપાવી રાખી હતી. તેનો પ્લાન સૂટકેસમાં કોઈ ટ્રેનમાં મુકી આવવાનો હતો. પોલીસે જાણકારી આપતા કહ્યું કે, મહિલાએ દિલ્હીના સલીમપુરથી ટ્રોલી બેગ ખરીદી હતી. બંને વચ્ચે લગ્નને લઈને વિવાદ થયો હતો. જેને લઈને પ્રેમિકાએ પ્રેમીની હત્યા કરી નાખી હતી.