ફરિયાદ / અમદાવાદઃ પ્રેમીએ 16 વર્ષની સગીરાને મિત્રના ફ્લેટ પર લઇ જઇ બન્નેએ આચર્યું દુષ્કર્મ, વીડિયો ક્લિપ પણ બનાવી

• 16 વર્ષની સગીરા પર પ્રેમી અને પ્રેમીના મિત્રએ દુષ્કર્મ આચર્યું
• શાહીબાગ નજીક ફ્લેટમાં લઇ જઇ આચર્યું કૃત્ય
• બન્ને વિરૂદ્ધ મેઘાણીનગર પોલીસ સ્ટેશનમાં નોંધાઇ ફરિયાદ

અમદાવાદના કુબેરનગરમાં 16 વર્ષની સગીરા તેના માસીના ઘરે રહે છે. નજીકની શાળામાં ધો.10માં અભ્યાસ કરે છે. પાડોશી યુવક આયુષ બજરંગે સાથે તેની વર્ષ 2018માં મિત્રતા થઇ હતી. બન્ને ફોન પર વાતો પણ કરતા હતા. યુવક યુવતી સાંઈબાબાના મંદિરે મળતા હતા. રાત્રી પડતા નજીકની અવાવરૂં જગ્યા પર બન્ને બેસતા હતા. જ્યાં આયુષે તેની સાથે અડપલાં કર્યા અને દુષ્કર્મ આચર્યું હતું. જેની યુવતીએ ઘરે જાણ નહોતી કરી. 

14 સપ્ટેમ્બરે આયુષ તેના મિત્રના ઘરે શાહીબાગ નજીક એક ફ્લેટમાં બળજબરીથી લઇ ગયો હતો. અહીં ફ્લેટમાં અન્ય એક મિત્ર ધ્રુવ જાડેજા પણ હતો. જ્યાં બન્નેએ યુવતી પર દુષ્કર્મ આચર્યું હતું. પ્રેમી અને મિત્રએ આ યુવતીનો વીડિયો શૂટ કરીને વાયરલ કર્યો હતો. જે વીડિયો સગીરાના મોટાભાઇના ફોનમાં આવતા તે ચોંકી ઉઠ્યો હતો. બાદમાં સમગ્ર ભાંડો ફૂટતા સગીરાએ મેઘાણીનગર પોલીસસ્ટેશનમાં બન્ને યુવક વિરૂદ્ધ ફરિયાદ નોંધાવી હતી.

મોરબીમાં 7 વર્ષીય બાળકી સાથે દુષ્કર્મ

મોરબીમાં નીચી માંડલ ગામ નજીક 7 વર્ષીય બાળકી સાથે દુષ્કર્મની ઘટના બની છે. સીરામીક કારખાનાના મજૂર ક્વાર્ટરમાં લઇ જઇને શખ્સે કૃત્ય આચર્યું હતું. બાળકીને ગંભીર હાલતમાં હોસ્પિટલ ખસેડાઈ છે. કારખાનાના શ્રમિક પર જ દુષ્કર્મનો આરોપ લગાવવામાં આવ્યો છે. સ્થાનિક શ્રમિકોએ આરોપીને પોલીસ હવાલે કર્યો છે. મોરબી તાલુકા પોલીસે ઘટનાની તપાસ હાથધરી છે.