કવાયત / ગરબા મેદાનમાં થાય છે લવજેહાદ, એટલે હવે ઓળખપત્ર વગર એન્ટ્રી નહીં: જાણો કયા રાજ્યમાં સરકારે આપ્યા આદેશ 

• ગરબા લવ જેહાદનું મોટું કારણ: સાંસ્કૃતિક મંત્રી ઉષા ઠાકુર
• ગરબામાં કોઈ વ્યક્તિ પોતાની ઓળખ છુપાવીને ન આવે તે ખૂબ જ જરૂરી: ઉષા ઠાકુર
• હવે ગરબામાં ઓળખપત્ર વગર એન્ટ્રી નહીં, આ સલાહ તમામ માટે છે:  ઉષા ઠાકુર

મધ્યપ્રદેશ સરકારના સાંસ્કૃતિક મંત્રી ઉષા ઠાકુરે લવ જેહાદ અને ગરબા પંડાલને લઈને મોટું નિવેદન આપ્યું છે. તેમણે કહ્યું કે, આ ગરબા લવ જેહાદનું મોટું માધ્યમ બની ગયા છે, તેથી હવે ગરબામાં કોઈ વ્યક્તિ પોતાની ઓળખ છુપાવીને ન આવે તે ખૂબ જ જરૂરી છે. આ સાથે તેમણે જણાવ્યું હતું કે, જે પણ ગરબા પંડાલમાં આવશે તે પોતાનું આઈડી કાર્ડ લઈને આવશે. 

ગ્વાલિયર પહોંચેલા મધ્યપ્રદેશ સરકારના સાંસ્કૃતિક મંત્રી ઉષા ઠાકુરે મીડિયા સાથે વાત કરતા કહ્યું કે, હવે જે પણ ગરબા પંડાલમાં આવશે તે પોતાનું આઈડી કાર્ડ લઈને આવશે. આ સલાહ તમામ આયોજકો માટે ચેતવણી પણ છે, જો કે હવે તમામ સંસ્થાઓ જાગૃત થઈ ગઈ છે,  તેમ છતાં કોઈને ઓળખ છુપાવીને ગરબા પંડાલમાં પ્રવેશવા દેવામાં આવશે નહીં.  કારણ કે ગરબા પંડાલ લવ જેહાદનું મોટું માધ્યમ બની ગયું હતું.

"लव जिहाद का माध्यम बन चुके थे गरबा पंडाल, इसलिए अब बिना पहचान पत्र के नो एंट्री"

मध्यप्रदेश सरकार की संस्कृति मंत्री उषा ठाकुर का बयान@UshaThakurMLA @news24tvchannel pic.twitter.com/g6VGSWCZFc

— Vipin Shrivastava (@JournalistVipin) September 8, 2022

મહત્વનું છે કે,  રાજ્યના પ્રવાસન, સંસ્કૃતિ, ધાર્મિક ટ્રસ્ટ અને એન્ડોમેન્ટ વિભાગના મંત્રી ઉષા ઠાકુર આજે 8 સપ્ટેમ્બર ગુરુવારે ગ્વાલિયર વિભાગની મુલાકાતે છે. કાર્યક્રમ મુજબ ગ્વાલિયર આવ્યા પછી સંસ્કૃતિ મંત્રી મોરેના જિલ્લાના આંટી ગામમાં સ્થિત જાણીતા શનિશ્ચરા મંદિરના દર્શન કરવા નીકળ્યા હતા. શનિશ્ચર દર્શન બાદ ત્યાંથી સાંકુવા ધામ સેવાધા જિલ્લા દતિયા જશે. આ ક્રમમાં મંત્રી ઉષા ઠાકુર રતનગઢ માતાના મંદિરની મુલાકાત લેશે. આ સાથે અહીં મધ્યપ્રદેશ ઈન્ફ્રાસ્ટ્રક્ચર ડેવલપમેન્ટ બોર્ડ દ્વારા કરવામાં આવનાર વિકાસના કામોનું ભૂમિપૂજન પણ કરવામાં આવશે.