પુખ્ત વયના સ્ત્રી અને પુરુષ એક બીજા સાથે જીવન વિતાવવા તૈયાર થાય છે ત્યારે તે લગ્ન કરી લેતા હોય છે પરંતુ અહીં તો એક પિતા તેના બાળક સાથે લગ્ન કરવા તૈયાર થયો છે.
પોતાના સંતાન સાથે થયો પ્રેમ
લગ્ન કરવા કોર્ટમાં કરી અરજી
ઓળખાણ છુપાવી કરી અરજી
બે મન મળે એટલે લગ્ન થતા હોય છે. લગ્નમાં બે માણસ જ નહી પરંતુ બે દિલ અને બે પરિવાર પણ જોડાતા હોય છે. ભારતમાં લગ્ન પહેલા ઘર પરિવાર જોવા જાય છે અને અન્ય લોકો પાસે માહીતી પણ એકઠી કરાવે છે કે આ પરિવાર કેવો છે. જ્યારે વિદેશોમાં માત્ર છોકરો અને છોકરી પોતાની અન્ડરસ્ટેન્ડિંગ જોઇને લગ્ન કરી લેતા હોય છે. હાલમાં જ ન્યૂ યોર્ક કોર્ટમાં એક શખ્સે પોતાના જ બાળક સાથે લગ્ન કરવાની પરવાનગી માંગી છે.
કોર્ટમાં દાખલ થઇ અપીલ
અપીલમાં શખ્સે લખ્યુ છે કે તેને તેના બાળક સાથે જ પ્રેમ થઇ ગયો છે. તે પોતાની જ સંતાનને પ્રપોઝ કરવા માગે છે પરંતુ તેને ડર છે કે સમાજ તેનો વિરોધ કરશે. સાથે જ તે ઇચ્છે છે કે તેને કોર્ટમાંથી પોતાના સંતાન સાથે લગ્ન કરવાની પરમીશન મળે જેથી ભવિષ્યમાં કોઇ સમસ્યા ન થાય.
ઓળખાણ છુપાવી
કોર્ટમાં દાખલ કરવામાં આવેલ અપીલમાં અપીલ કરનાર વ્યક્તિએ પોતાની ઓળખાણ છુપાવી છે. સાથે જ બંનેનુ જેન્ડર પણ ડિસક્લોઝ નથી કર્યુ. આ અપીલ મેનહેટ્ટનના ફેડરલ કોર્ટમાં દાખલ થઇ છે. આ દેશમાં આ પ્રકારના સંબંધો બેન છે. આ પ્રકારના સંબંધોના ખુલાસા પર સમાજમાં ઘણી બદનામી પણ થાય છે.
મળી શકે છે 4 વર્ષની સજા
કોર્ટમાં દાખલ કરવામાં આવેલી અપીલમાં શખ્સે લખ્યુ કે લગ્ન બે વ્યક્તિનો પર્સનલ મામલો છે. આ લોકોની ફિલીંગ્સ પર આધારિત છે. તેનો નિર્ણય લોકોને પોતાની રીતે લેવાનો હક છે. ન્યૂયોર્કના કાયદા પ્રમાણે જો કોઇ પોતાના પરિવારના સદસ્ય સાથે જ લગ્ન કરે છે અથવા તેની સાથે સંબંધ રાખે છે તો તેને ચાર વર્ષની સજા થશે.
આ પ્રકારનો વિચાર પણ ભારતમાં પાપ માનવામાં આવે છે પરંતુ દાખલ કરાયેલ અપીલમાં કહેવામાં આવ્યુ છે કે તેને પોતાના જ સંતાન સાથે પ્રેમ થઇ ગયો છે અને હવે તેની સાથે પોતાનો સંસાર શરૂ કરવા માંગે છે પરંતુ સમાજમાં બદનામીના ડરથી કોર્ટમાં અપીલ કરી છે કે જો કોર્ટ પરવાનગી આપે તો તે લોકો લગ્ન કરી શકે અને ભવિષ્યમાં કોઇ તકલીફ ન થાય.