અમદાવાદમાં મહિલા અને મોરબીમાં સગીરાના બીભત્સ ફોટા વાયરલ કરવાની ધમકી આપી દુષ્કર્મ ગુજારાયાની પોલીસ ફરિયાદ નોંધાઈ છે.
મોરબીમાં પ્રેમજાળમાં ફસાવી સગીરા પર આચાર્યુ દુષ્કર્મ
સગીરાના બિભત્સ ફોટા-વીડિઓ મેળવી નાણાં પણ પડાવ્યા
પ્રેમી સહિત તેના બે મિત્રોએ પણ આચાર્યુ કુકર્મ
મોરબી શહેરમાં રહેતા પરિવારની સગીરવયની દીકરીને સોશિયલ સાઇટ પર એક શખ્સે પ્રેમજાળમાં ફસાવી હતી. ત્યારબાદ નિર્દોષ બાળકીના ખરાબ વિડીયો ઉતારી લઈ બ્લેકમેઇલ કરી હતી. એટલું જ નહી પ્રેમી સહિત તેના બે મિત્રોએ કુકર્મ ગુજાર્યું હતું. ઉપરાંત નાણાં પણ ખંખેરી લીધાની પોલીસ ફરિયાદ નોંધાતા ચકચાર મચી જવા પામી છે.
મોરબીમાં પ્રેમજાળમાં ફસાવી સગીરા પર આચર્યુ દુષ્કર્મ
ફેસબુક, ઇન્સ્ટાગ્રામ જેવી સોશિયલ સાઇટ પર મહિલાઓ-યુવતીઓને ફસાવવામાં આવતી હોવાના કિસ્સાઓ અનેક વખત સામે આવતા હોય છે. પરંતુ બદનામીના ડરથી યુવતીઓ ફરિયાદ કરવાનું ટાળતી હોય છે. જેથી ગુન્હેગારોને મોકળુ મેદાન મળી રહે છે. તેવામાં મોરબીમાં પોશ વિસ્તારમાં રહેતી સગીરાને મોરબીના એક શખ્સે ઇન્સ્ટાગ્રામ આઈડી ઉપર ફ્રેન્ડ રિકવેસ્ટ મોકલ્યા બાદ પ્રેમ જાળમાં ફસાવી હતી. ત્યારબાદ નાણાંની માંગણી કરી પોતાના અન્ય મિત્ર સાથે દોસ્તી કરવા દબાણ કરાયું હતું. અન્ય શખ્સ અને તેના મિત્ર સહિત બંનેએ પણ સગીરાને ભોળવી બિભીત્સ ફોટા વિડીયો મેળવી લીધા હતા. બાદમાં સગીરાને બદનામ કરવાની ધમકી આપી ત્રણેય લુખ્ખાઓએ દુષ્કર્મ આચર્યું હતું. સગીરા પાસેથી નાણાં પણ પડાવી લેતા અંતે આરોપીઓનો ત્રાસ સહન ન થતાં સગીરાએ તેના પરિવારજનોને જાણ કરી હત. પરિવારજનોએ હિંમત આપતા ત્રણેય ઇસમો વિરુદ્ધ મોરબી સિટી એ ડિવિઝન પોલીસ મથકમાં ફરિયાદ નોંધાઈ છે.
અમદાવાદમાં પણ આવો જ કિસ્સો સામે આવ્યો
આવો જ એક કિસ્સો અમદાવાદમાં સામે આવ્યો છે. શહેરના વાડજ વિસ્તારમાં રહેતી માહિલાને તેની સોસાયટીમાં રહેતા પાર્થ પંચાલ નામના યુવાન સાથે મિત્રતા બંધાઈ હતી. જેના થોડા સમય બાદ પાર્થે લખણ જટકાવ્યા હતા અને મહિલાની પાછળ પાછળ મળવાનું કહેતો હતો. આ દરમિયાન પાર્થે મહિલા સાથે પડેલ એક ફોટો પાડી તે બ્લેક મેલ કરીને ગેસ્ટ હાઉસમાં બોલાવતો હતો. આથી મહિલા નાછૂટકે ગેસ્ટ હાઉસમાં ગઈ હતી. જ્યાં યુવકે મહિલાની મરજી વિરુદ્ધ શારીરિક સંબંધ બાંધ્યા હતા અને તેના પણ ફોટા લઈ લીધા હતા. ત્યારબાદ આ ફોટા વાઇરલ કરવાની ધમકી આપી ગાંધીનગર સહિત અનેક સ્થળોએ દુષ્કર્મ ગુજાર્યું હતું.
યુવકે મહિલા સાથે ફોટા પાડીને બદનામીઓનો ડર બતાવી અલગ અલગ જગ્યાએ દુષ્કર્મ ગુજાર્યા બાદ તેના અન્ય મિત્ર કિશન ચૌહાણે પણ મહિલાને ખરાબ ફોટા બતાવ્યા હતા. આ શખ્સે પણ બીભત્સ માંગણી કરતા ત્રાસથી કંટાળી ગયેલ મહિલાએ આ મામલે પતિ સહિતના પરિવારજનોને જાણ કરી હતી અને પતિ સહિતનાઓના કહેવાથી ભોગગ્રસ્ત મહિલાએ વાડજ પોલીસ સ્ટેશનમાં ફરિયાદ નોંધાવતા પોલીસે ગુનો નોંધી કાર્યવાહી હાથ ધરી છે.