બનાસકાંઠાના નાના એવા ડીસામાં એક પુત્રીને પિતાએ અંગદાન કર્યું. સાત વર્ષની પુત્રી લીવર માટે ઝઝૂમતી હતી,વહાલના અગાધ દરિયા જેવી પુત્રીને પિતાએ કર્યું લીવરનું દાન
ડીસાના પિતાએ પુત્રીને આપ્યું નવજીવન
પિતાએ કર્યો લીવર દાનનો નિર્ણય
સાત વર્ષની પુત્રી એ જ 'વહાલનો દરિયો'
દીકરી એટલે વહાલનો દરિયો તેવી ઉક્તિ ઘણીવાર સાંભળી હશે પણ,આ ઉક્તિને જીવનમાં ચરિતાર્થ કરતા એવા કઈ-કેટલાય કિસ્સા તમે સાંભળ્યા હશે,જોયા પણ હશે.કદાચ અનુભવવા બાકી હોય તેવું પણ બને. દીકરી પ્રત્યેના અઢળક વહાલને પિતા કઈ રીતે મૂલવતા હોય છે તેવો એક કિસ્સો સામે આવ્યો છે બનાસકાંઠાના ડીસામાં. એક પિતાએ પોતાની સાત વર્ષીય પુત્રીને પોતાનું લીવર આપી, જીવનની સંજીવની અર્પણ કરી છે.
જીવન માટે ઝઝૂમતી પુત્રી
બનાસકાંઠાના નાના એવા ડીસામાં એક પુત્રી જીવન સામે જંગ ખેલી રહી હતી. ફૂલ જેવીં માસૂમ પુત્રી,જીવન સામે બાથ ભીડતી જોઈ પિતાનું હૃદય દ્રવી ઉઠ્યું. 15 દિવસ દરમિયાનની સારવારમાં તબીબોએ પિતાને જણાયું કે, પુત્રીને એક લીવરની જરૂર છે. સાત વર્ષીય બાળકીને લીવર તો કોણ આપી શકે? પિતાની ચિંતા વધી ગઈ. એક તરફ પૈસા સારવાર માટે ખર્ચાઈ રહ્યા હતા અને પુત્રીની સ્વસ્થતા અંગે શંકા વધતી હતી. પિતાએ તબીબોને સ્પષ્ટ કહ્યું કે, 'મારું લીવર આપી દો'.પિતાના તમામ પ્રકારના મેડીકલ ટેસ્ટ કર્યા બાદ તબીબોએ નિર્ણય કર્યો કે, પિતા લીવર દાન કરી શકશે.અને પોતાની સાત વર્ષની બાળકીને પિતાએ ઉગારી લીધી.
છેલ્લા 15 દિવસથી હોસ્પિટલમાં ઝઝૂમતી બાળકીને અંગદાન બાદ જ્યારે હોસ્પિટલમાંથી રજા આપવામાં આવી ત્યારે, કેક કાપવામાં આવી. ફૂલ જેવી બાળકીનું આગાલનું જીવન નિરામય અને વધુ સુગંધી બને તેવા આશિર્વાદ/આશયે ફૂલોથી વિદાય વિદાય અપાઈ હતી.
અંગદાન-મહાદાન
અંગ્દાન્ના કેટલાય કિસ્સાઓ સામે આવે છે તાજેતરમાં જ સુરતના બે-ત્રણ પરિવારોએ અંગદાન કર્યા તો.અમદાવાદના એક મહિલાએ પણ અંગદાન મહિમાને સમાજ સામે મુક્યો.મોટાભાગે,અંગદાનના કેસમાં બ્રેન ડેડ દર્દીઓના અંગદાન થયા છે.પણ આ મહિમા જ ઊંચેરો છે.ડીસાના એક પિતાએ પોતાની વહાલસોયી પુત્રીને લીવર દાન કરી 'પુત્રી દેવો ભવ;'નો મહિમા ગાયો છે.