ભારતના વીર જવાનો જેટલી પ્રામાણિકતાથી સરહદની રક્ષા કરે છે તેટલી જ પ્રામાણિકતાથી પ્રેમ પણ કરે છે. એવા જ એક જવાનની લવસ્ટોરી જાણશો તો નવાઇ લાગશે.
કારગિલ દિવસ પર શહીદોને કર્યા યાદ
વિક્રમ બત્રાની અનોખી લવસ્ટોરી
ડિમ્પલનો સેંથો લોહીથી ભરી દીધો હતો
કેપ્ટન વિક્રમ બત્રા સાહસ અને પ્રેરણાના પ્રતિક છે. તે માત્ર યુદ્ધના મેદાન પર જ નહી પરંતુ ડિમ્પલ ચિમા સાથેનો પ્રેમ પણ તેમને અલગ બનાવે છે.
શહીદ થયા કેપ્ટન બત્રા
1999માં કારગિલ યુદ્ધ દરમિયાન કેપ્ટન બછત્રા 16000 ફીટની ઉંચાઇ પર દુશ્મનો સાથે લડતા શહીદ થઇ ગયા હતા. ડિમ્પલ અને વિક્રમ પહેલીવાર 1995માં ચંદીગઢના પંજાબ વિશ્વવિદ્યાલયમાં મળ્યા હતા. બંનેએ અંગ્રેજીમાં માસ્ટર ડિગ્રી લેવા માટે એડમિશન લીધુ હતુ.
ડિમ્પલે કર્યો ખુલાસો
એક ઇન્ટરવ્યૂમાં ડિમ્પલે કહ્યું કે, બંનેમાંથી કોઇ માસ્ટર ડિગ્રી પૂરી કરી શક્યુ નહી કારણકે નસીબમાં કંઇક બીજુ જ લખ્યુ હતુ. બંનેને કિસ્મત સાથે લઇ આવી અને લગ્ન કરી સાથે જીવવા મરવાના કોલ આપ્યા હતા.
ડિમ્પલે ખુલાસો કર્યો કે 1996માં દહેરાદૂનમાં ભારતીય સૈન્ય અકાદમી માટે વિક્રમનું સિલેક્શન થઇ ગયુ હતુ. દંપતિએ મનસા દેવીના મંદિરમાં લગ્ન કરી લીધા અને વિક્રમે ડિમ્પલને કહ્યું અભિનંદન શ્રીમતિ બત્રા. શું તને નથી ખબર આપણે આ ચોથી વાર પરિક્રમા કરી રહ્યાં છીએ.
અચાનક કર્યો લગ્નનો નિર્ણય
ડિમ્પલ આ સાંભળીને છક થઇ ગઇ હતી બાદમાં વિક્રમે પર્સમાંથી બ્લેડ કાઢીને પોતાનો અંગૂઠો કાપી દીધો હતો. પોતાના લોહીથી ડિમ્પલનો સેંથો પૂર્યો અને આ અનુભવ તેના જીવનનો સૌથી રોમાંચક અનુભવ રહ્યો હતો.
વિક્રમની શહીદી બાદ ડિમ્પલે ન કર્યા લગ્ન
કેપ્ટન બત્રાનું ઉપનામ શેરશાહ હતુ. જે 7 જુલાઇ 1999માં શહીદ થઇ ગયા હતા. જ્યારે તેમની ડેલ્ટા કંપનીએ પોઇન્ટ 5140 પર કબ્જો કરી લીધો અને પોઇન્ટ 4750 અને પોઇન્ટ 4875 પર દુશ્મનની ચોકીઓ પર પણ કબ્જો કરી લીધો હતો. યુદ્ધના નારાના રૂપમાં તેમણે યે દિલ માંગે મોરનો ઉપયોગ કર્યો હતો જે બાદમાં ખુબ લોકપ્રિય થયો હતો.
કારગિલ યુદ્ધમાં સૌથી હાર્ડ અભિયાનમાંનુ એક એટલે કારગિલ યુદ્ધ. કેપ્ટન બત્રાને તેમના પ્રયાસો માટે મરણોપરાંત ભારતનું સર્વોચ્ચ અને સૌથી પ્રતિષ્ઠિત વીરતા પુરસ્કાર પરમવીર ચક્ર મળ્યુ હતુ.
વિક્રમ બત્રા પર બની ફિલ્મ
વિક્રમ બત્રા પર બોલીવૂડમાં એક ફિલ્મ બની છે જેનું નામ શેરશાહ છે. સિદ્ધાર્થ મલ્હોત્રા અને કિયારા અડવાણી આ ફિલ્મમાં અભિનય કરી રહ્યાં છે. ફિલ્મનું નામ છે તે વિક્રમ બત્રાનું ઉપનામ હતું. પરદા પર આ જાબાઝ હીરોની કહાણી જોવાની લોકો આતુરતાથી રાહ જોઇ રહ્યાં છે.