વડોદરા / લવ જેહાદમાં ફસાઈ એક સંતાનની માતા, દોરા ધાગા કરી દુષ્કર્મ કર્યું, દરગાહનું પાણી પીવડાવીને ધર્મપરિવર્તન પણ કરાવ્યું

• વડોદરામાં લવ જેહાદનો વધુ એક કિસ્સો આવ્યો સામે 
• વિધર્મી મહંમદ હુસૈને એક સંતાનની માતા સાથે આચર્યુ દુષ્કર્મ 
• એક સંતાનની માતાએ દોરા ધાગા કરીને ફસાવી હોવાનો આરોપ

 દિન પ્રતિદિન રાજ્યમાં લવ જેહાદનાં કિસ્સાઓમાં વધારો થઈ રહ્યો છે. ત્યારે આજે વધુ એક લવજેહાદનો કિસ્સો સામે આવ્યો છે. જેમાં વડોદરામાં વિધર્મી યુવક મહંમદ હુસૈને એક સંતાનની માતા સાથે દુષ્કર્મ આચર્યું છે.  હુસૈને એક સંતાનની માતાએ દોરા ધાગા કરીને ફસાવી હોવાનો આરોપ પરણીતાએ મુક્યો છે.

પોલીસે આરોપી મહંમદ હુસૈનની અટકાયત કરી
આ બાબતે પરણીત મહિલાએ નવાપુરા પોલીસ મથકે ફરિયાદ નોંધાવી છે. જેમાં પરણીતાએ વધુમાં જણાવ્યું છે કે મહંમદ હુસૈને મહિલાને દરગાહનું પાણી પણ પીવડાવીને ધર્મપરિવર્તન પણ કરાવ્યું હતું. તેમજ આરોપી મહંમદે મહિલા પાસેથી રોકડ અને દાગીના પડાવ્યાની ફરિયાદ પોલીસ મથકે ફરિયાદ નોંધાવી છે. ત્યારે પોલીસે મહિલાની ફરિયાદનાં આધારે આરોપી મહંમદ હુસૈનની અટકાયત કરીને હાથ ધરી વધુ કાર્યવાહી હાથ ધરી છે. 

 મહિલા સામે વિધર્મી યુવકે અશ્લીલ હરકતો કરી
વલસાડ જિલ્લાના વાપી રેલવે સ્ટેશન પાસે આવેલ ગીતા નગર પોલીસ ચોકી સામે એક મહિલા સાથે એક રીક્ષા ચાલકે અશ્લીલ  હરકત કરતો હોવાનો વિડીયો સોશિયલ મીડિયામાં વાયરલ થયો હતો. જેમાં એક મહિલાની સામે એક રીક્ષા ચાલક કઈ રીતે જાહેરમાં અશ્લીલ હરકત કરી રહ્યો છે. સોશિયલ મીડિયામાં થયેલ આ વાયરલ વીડિયોમાં આરોપી રીક્ષા ચાલક પોલીસને પણ પડકાર ફેંકી રહ્યો હતો. જોકે  વિડીયો વાયરલ થવાના ગણતરીના સમયમાં જ વાપી પોલીસ હરકતમાં આવી છે અને મહિલા વિરુદ્ધ અશ્લીલ હરકત કરનાર આરોપી આરીફ સૈયદ ની ધરપકડ કરી લીધી છે. ત્યારે પોલીસ તપાસમાં બહાર આવ્યું છે કે ફરિયાદી મહિલા મૂળ સેલવાસની રહેવાસી છે અને પોતે એક રીક્ષા ચાલક છે .બનાવના  સમયે મહિલા સેલવાસથી વાપી રેલવે સ્ટેશન રિક્ષા લઈને આવી હતી. ત્યારે વાપીના જ આ રીક્ષા ચાલક આરિફે તેની સાથે દૂર વ્યવહાર કર્યો હતો અને મહિલા સામે જાહેરમાં અશ્લીલ હરકતો કરી હતી. 

પોલીસે આરીફને જાહેરમાં ઉઠક બેઠક કરાવી
પોતાનું પેટિયું રડવા માટે રીક્ષા ચાલકનો વ્યવસાય કરનાર મહિલાની હિંમતને ચોક્કસથી દાદ આપવી ઘટે. કારણ કે આ પ્રકારે બદમાશ અને સાતિર રીક્ષા ચાલકની સામે ઝૂકી  જવાના બદલે તેનો વિડીયો ઉતારી વાપી ટાઉન પોલીસ સ્ટેશનમાં ફરિયાદ નોંધાવી હતી. ત્યારે પુરુષ પ્રધાન સમાજમાં જ્યારે મહિલાઓ આ રીતે મજબૂરીમાં રોજગારી મેળવવા માટે કામ ધંધો કરતી હોય છે. ત્યારે આરીફ જેવા લોકો એવું માનતા હોય છે કે મહિલાઓ તેનું કંઈ પણ બગાડી નહીં શકે. પરંતુ મહિલાએ આ આરોપી આરીફનો વિડીયો ઉતારી પોલીસ વિરુદ્ધ ફરિયાદ કરતા વાપી પોલીસે આરોપીની સાન ઠેકાણે લાવી છે. વાપી પોલીસે જાહેરમાં ઉઠબેસ કરાવીને માફી મંગાવતા અન્ય લોકો પણ મહિલાઓ વિરુદ્ધ આ રીતની વર્તુળ કરતા 100 વાર વિચારશે.