પ્રયાગરાજમાં મુસ્લિમ યુવકે ધર્મ છુપાવીને હિન્દુ યુવતી સાથે લગ્ન કરી લીધા. 20 દિવસ બાદ યુવતીને ખબર પડી કે તેનો પતિ મુસ્લિમ છે. યુવતી પર પતિ ધર્મ પરિવર્તન કરવાનુ દબાણ બનાવવા લાગ્યો. જ્યારે યુવતીએ ના પાડી તો તેની સાથે મારામારી કરી તેને ઘરમાંથી બહાર કાઢી મુકી.
મુસ્લિમ યુવકે ધર્મ છુપાવીને હિન્દુ યુવતી સાથે લગ્ન કર્યા
લગ્ન કર્યા બાદ યુવતી પર પતિ ધર્મ પરિવર્તન કરવાનુ દબાણ કર્યુ
યુવતીએ ના પાડતા યુવકે મારામારી કરી ઘરની બહાર કાઢી મુકી
પ્રયાગરાજમાં લવ જેહાદ
ઉત્તર પ્રદેશની સંગમ નગરી પ્રયાગરાજમાં લવ જેહાદનો મામલો સામે આવ્યો છે. અહીં મુસ્લિમ યુવકે પોતાનો ધર્મ છુપાવીને હિન્દુ યુવતિ સાથે લગ્ન કર્યા. ત્યારબાદ યુવતી પર મુસ્લિમ ધર્મ અંગીકાર કરવાનુ દબાણ કરવા લાગ્યો. યુવતીએ જ્યારે આમ કરવાની ના પાડી તો તેની સાથે મારામારી કરી ઘરની બહાર કાઢી મુકી. હાલમાં પોલીસે આરોપી સામે કેસ નોંધી તેની ધરપકડ કરી છે.
મુસ્લિમ યુવકે હિન્દુ યુવતી પર ધર્મ પરિવર્તન કરવા દબાણ કર્યુ
જાણકારી મુજબ, શહેરના નૈની વિસ્તારમાં રહેતી 22 વર્ષની યુવતી એક ખાનગી કંપનીમાં કામ કરે છે. 2016માં તેની મિત્રતા એક યુવક સાથે ફેસબુક દ્વારા થઇ. યુવકે પોતાનુ નામ સુરેશ પાલ જણાવ્યું અને કહ્યું કે તે એક ફાઈનાન્સ કંપનીમાં કામ કરે છે. યુવકે જણાવ્યું કે તે કરેલી વિસ્તારમાં રહે છે. બંનેની વચ્ચે ઘનિષ્ઠતા વધવા લાગી. પછી બંનેએ મનકામેશ્વર મંદિરમાં લગ્ન કર્યા. સુરેશ પાલ યુવતીને લઇને ભાડાના મકાનમાં રહેવા લાગ્યો. લગ્નના 20 દિવસ બાદ યુવકે યુવતીને જણાવ્યું કે તેનુ નામ સુરેશ નહીં, પરંતુ મોહમ્મદ શમી ઉર્ફે મો. જુબેર છે. આ સાંભળતા જ યુવતીના પગ નીચેથી જમીન સરકી ગઇ. યુવતીનો આરોપ છે કે યુવક તેની પર સતત ધર્મ પરિવર્તન કરવાનો દબાણ બનાવતો હતો. ઈન્કાર કર્યા બાદ યુવકે તેની સાથે મારામારી કરીને તેને ઘરમાંથી બહાર કાઢી મુકી.